Şahin (ing. Falcon) və ya əsl adı ilə Samuel Tomas "Sem" Uilson (ing. Samuel Thomas "Sam" Wilson) – Marvel Comics nəşriyyatı tərəfindən 1969-cu ildə yaradılmış

Şahin əsas ABŞ komikslərində peyda olan ilk afroamerikalı superqəhrəman, həmçinin superqəhrəman adında "qara" sözü olmayan ilk qaradərili superqəhrəmandır. İlk dəfə "Captain America" komiksinin 117-ci sayında (sentyabr 1969) peyda olmuşdur. Marvel Comics ondan öncə uydurma Afrika ölkəsi Vakandadan olan Qara pantera personajını təqdim etmişdi. Ümumiyyətlə götürdükdə, komikslərdə ilk qaradərili personaj Dell Comics tərəfindən 1965-ci ildə təqdim olunan Lobo personajıdır.

Personaj əvvəlcə Nyu-Yorkun Harlem rayonunda Qırmızıqanad adlı şahin saxlayan adsız sakin kimi təqdim olunmuşdu (Sem Uilson adı növbəti buraxılışın 5-ci səhifəsinə qədər çəkilməmişdir). 1970-ci illər boyunca Kapitan Amerika və Şahin bir komanda olmuşdurlar və "Captain America" komiksinin #134–192 və 194–222 (fevral 1971 – iyun 1978) sayları "Captain America and the Falcon" başlığı ilə buraxılmışdır. 186-cı sayda yazıçı Stiv İngelhart personajın keçmişini yeniləmişdir.

Şahin 62–64-cü saylarda (avqust-oktyabr 1978) Müdafiəçilər komandası, 183–194-cü saylarda (may 1979 – aprel 1980) Qisasçılar komandasına qoşulmuşdur. O, həmçinin 2012-ci ildə Marvel NOW! yenilənməsi zamanı Qisasçıların üzvü idi. 16 iyul 2014-cü ildə Sem Uilsonun yeni Kapitan Amerika olacağı açıqlanmışdır. 2015-ci ilin oktyabrında Sem Uilsonun Kapitan Amerika olduğu yeni komiks seriyası başlamışdır.

Samuel Tomson Uilson Nyu-Yorkun Harlem rayonunda tanınmış nazir Pol Uilson və Derleyn Uilsonun oğlu kimi dünyaya gəlib. Uşaqlığı şən keçir və quşlara xüsusi marağı olur. Göyərçinlərə təlim keçməyə başlayır və Harlemdə ən böyük göyərçin qəfəsinə sahib olur. Buna baxmayaraq, gəncliyində tez-tez irqçiliklə qarşılaşır. 16 yaşında kilsəyə qoşulmaqdan imtina edir və düşünür ki, dini adamlar olan valideynləri ona qarşı çıxacaqlar. Lakin valideynləri etiraz etmək əvəzinə onu dini və teoloji kitablarla təmin edirlər. Növbəti gecə məhəllədəki bir döyüşə girişən atası öldürülür. İki il sonra anası bir soyğunçu tərəfindən qətlə yetirilir. Keçmişini unutmaq üçün Sem cəmiyyət könüllüsü olmaqdan imtina edir. Los-Ancelesə gedir və qanqster üzvi və cinayətkar olur.

Rio-de-Janeyro şəhərinə uçarkən təyyarəsi Sürgün adasında qəzaya uğrayır. Bu ada İkinci dünya müharibəsində Qırmızı kəllə ilə əməkdaşlıq etmiş Sürgünlər tərəfindən idarə olunan adadır. Onlar Qırmızı kəllənin xəyanətinə məruz qalırlar və bu adada gizlənməyə məcbur olurlar. Uilson adada güclü əlaqə qurduğu Qırmızıqanad adlı şahinlə qarşılaşır.

Kapitan Amerikaya qarşı gələn Qırmızı kəllə reallığı dəyişdirə bilən Kosmik kubdan istifadə edir və nəticədə Uilson quşları kontrol etmək bacarığına malik olur. Daha sonra Uilsonun cinayətkar kimi keçmişini silir. Kapitan Amerika Uilson ilə dostlaşır və onu Şahin adı ilə döyüşməyə razı sala bilir. Stiv Rocers və Sem Uilson Sürgünləri və Qırmızı kəlləni məğlub etmək üçün birlikdə xeyli məşq edirlər. Beləliklə, Şahin Kapitan Amerikanın ən yaxın silahdaşına çevrilir, onunla birlikdə döyüşməyə başlayır, hətta Kapitan Amerikanın öldüyünə inandığında onun şəxsiyyətini götürür.

Daha sonra Şahin Qara panteradan kömək alır və Qara pantera uçması üçün ona qanadlar düzəldir.

Peyda olduğu ilk illərdə Şahin quşu Qırmızıqanad ilə güclü zehni əlaqəsinin olduğu göstərilmişdir. "Captain America" komiksinin 174-cü sayında Professor İks tərəfindən bu əlaqənin telepatik olduğu deyilmişdir. Daha sonra məlum olmuşdur ki, bu telepatik əlaqənin səbəbkarı Kosmik kubdan istifadə edən Qırmızı kəllədir.

Şahin sadəcə Qırmızıqanad ilə deyil, digər quşlarla da əlaqə saxlaya bilir. Bunlardan əlavə, quşların yaddaşını oxuya bilir, keçmişdə nələr gördüklərini görə bilir.

Şahin həmçinin döyüş sənətləri ustasıdır. Stiv Rocers tərəfindən cüdo və karate təlimi alıb. Kapitan Amerikanın qalxanından istifadə edəcək qədər bacarıqlıdır.

Şahinin orijinal qanadları jetlə dəstəklənmiş, çıxarıla bilən, yüngül titaniumdan hazırlanmış qanadlardır. Qanadların üstündə yerləşən günəş panelləri günəş enerjisini elektrikə çevirir. Qanadlar "Captain America and the Falcon" komiksinin 2-ci sayında məhv edilmişdi (2004).

Televiziya

• Qisasçılar: Birlikdə onlar güclüdürlər
• Superqəhrəman heyəti şousu
• Qisasçılar: Yerin ən qüdrətli qəhrəmanları
• Qisasçılar, birləşin
• Mükəmməl Hörümçək-adam: Tor döyüşçüləri
• Lego Marvel Super Heroes: Maksimum yüklənmə
• Marvel Disk Wars: The Avengers

Film

• Şahin Marvel Kinematoqrafiya Kainatı personajlarından biridir. Entoni Maki personajı "Birinci qisasçı: Başqa müharibə" (2014), "Qisasçılar: Altron dövrü" (2015), "Qarışqa-adam" (2015), "Birinci qisasçı: Qarşıdurma" (2016) və "Qisasçılar: Sonsuzluq savaşı" (2018). Qırmızıqanad "Birinci qisasçı: Qarşıdurma" filmində robotik dron kimi peyda olmuşdur.

Videooyun

• Marvel Super Hero Squad və onun sikveli Marvel Super Hero Squad: The Infinity Gauntlet
• Marvel Super Hero Squad: Comic Combat
• Marvel Super Hero Squad Online
• Lego Marvel Super Heroes
• Marvel: Avengers Alliance
• Marvel Heroes
• Disney Infinity: Marvel Super Heroes
• Marvel: Future Fight
• Playmation: Avengers
• Marvel Avengers Academy
• Marvel Puzzle Quest