İshaq Paşa (d.? — ö. 1497, Saloniki) — Fateh Sultan Mehmed səltənətində 1469–1472 illəri arasında və II. Bəyazid səltənətində 1481–1482'də sədrəzəmlik etmiş Osm

İshaq Paşa dəvşirmələrdən olub, Manisalı Paşaigidin nökəri idi. İshaq Paşanın İstanbulun fəthi əsnasında Anadolu Bəylərbəyi olduğu bilinməkdədir. O dönəmdə Anadolu Bəylərbəyi olan iki İshaq Paşa var idi. Bunlardan biri İshaq Paşa ibn İbrahim olaraq bilinən, atasının adı İbrahim olan Türk mənşəli bir paşadır. Digəri isə İshaq Paşa ibn Abdullah olaraq bilinən və Pomak mənşəli bir dəvşirmə olaraq təhsil alıb yetişdirilən, II. Murad zamanında xəzinədarlıqdan vəzirliyə yüksələn bir paşadır.

Yunan Mehmed Paşanın vəzifədən alınmasın dan sonra sədrəzəmliyə gətirildi. Fateh Sultan Mehmedin ona verdiyi ilk vəzifə Qaramana getmək oldu. İshaq Paşa Qaramanda çox güclü müqavimətlə qarşılaşmadı. 1470`də Qaramanlıların bir hissəsini İstanbula gətirdi. Bu gələnlər Aksaray qəsəbəsindən idi və İstanbulda yerləşdikləri səmtə qəsəbələrinin adı verildi. 1472'də vəzifəsindən alındı.

1481-ci ildə Fatehin ölümündən sonra o əsnada sədrəzəm olan Qaramanlı Mehmed Paşa səltənət hakimiyyəti üçün Şahzadə Cemi dəstəklərkən, İshaq Paşa Bəyazidi dəstəklədi.

Bəyazid taxta keçdikdən sonra İshaq Paşanı yenidən sədrəzəm seçdi. Ancaq padşah qısa müddət sonra ətrafında zərərli olduğunu düşündüyü kəsləri aradan qaldırmağa başladı və 1482-ci ildə İshaq Paşa da vəzifəsindən alındı.

İshaq Paşa son illərini Salonikdə keçirdi və 1497'də orada vəfat etdi. İstanbulda Ahırqapı ətrafındakı məhəlləyə onun adı verilmişdir. Burada öz adını daşıyan bir də məscid var. Bundan başqa İnəgöldə də bir məscid tikdirmişdir.

• Sədrəzəm
• II. Murad
• II. Bəyazid
• Yüksəliş dönəmi Osmanlı sədrəzəmləri