İnfant Ferdinand (port. Infante Don Fernando) və ya Müqəddəs Şahzadə (port. Infante Santo) (29 sentyabr 1402, Santaren[d], Portuqaliya krallığı – 5 iyun 1443, F

İnfant Ferdinand (port. Infante Don Fernando) və ya Müqəddəs Şahzadə (port. Infante Santo) (29 sentyabr 1402, Santaren^[d], Portuqaliya krallığı – 5 iyun 1443, Fəs, Mərinilər) — Portuqaliya infantı. Atası Aviz sülaləsindən Portuqaliya kralı I Con, anası isə Gentli Conun qızı Lankasterli Filipadır.

İnfant Ferdinand
Şəxsi məlumatlar
Doğum tarixi	29 sentyabr 1402(1402-09-29)
Doğum yeri	Santaren[d], Portuqaliya krallığı
Vəfat tarixi	5 iyun 1443(1443-06-05) (40 yaşında)
Vəfat yeri	Fəs, Mərinilər
Fəaliyyəti	hərbi qulluqçu
Atası	I Con
Anası	Lankasterli Filipa
Ailəsi	Avis sülaləsi
Dini	katolisizm
Təltifləri
Vikianbarda əlaqəli mediafayllar

İnfant Ferdinand 1402-ci ildə dünyaya gəldi. Uşaqlıq illəri kral sarayında qardaşlarıyla keçdi. Qardaşlarıyla birlikdə o dönəmdə çox az rast gəlinən şəkildə mükəmməl təhsil almışdır. 1433-cü ildə atasının vəfatıyla böyük qardaşı Eduard taxta çıxdı. Ancaq onun qısa səltənəti ailəsi üçün fəlakətlə nəticələndi. Belə ki, 1437-ci ildə qardaşı İnfant Henrinin rəhbərliyi ilə Tanjer qalasının mühasirəsinə qatılmış, ağır məğlubiyyətlə nəticələnən mühasirənin ardından mavrlara əsir düşmüşdür. Geri qaytarılması şərti olaraq Seuta qalası tələb edilsə də, qardaşları Don Alfonso və Conun səylərinə baxmayaraq, korteslər birliyi bu təklifi qəbul etmədi və əsir infant ölümə tərk edildi.

İlk başda xüsusi ehtiram göstərilərək qapalı şəkildə tutulsa da, müzakirələrin uzanması və Seuta qalasının təslim edilməməsinin ardından vəziyyəti ağırlaşdı. Mərakeşə aparılaraq burada ağır şəraitdə həbsdə tutuldu və 5 iyun 1443-cü ildə əsirlikdə vəfat etdi.