Fransiskanlılar və ya "Kiçik Qardaşlar Ordeni" (lat. Ordo Fratrum Minorum, OFM) — katolik dilənçi rahib ordeni, 1208-ci ildə Spoleto yaxınlığında Assizli Fransi

Fransiskanlılar və ya "Kiçik Qardaşlar Ordeni" (lat. Ordo Fratrum Minorum, OFM) — katolik dilənçi rahib ordeni, 1208-ci ildə Spoleto yaxınlığında Assizli Fransisk tərəfindən xalq arasında asketizmə, həvari kasıblığına və yaxınlarına məhəbbəti təbliğ etmək üçün yaradılıb. Adətən sadəcə fransiskanlar, bəzən Müqəddəs Fransisk Ordeni, OFM, minoritlər və ya "boz rahiblər" (paltarlarının rənginə görə) də adlandırırlar.

Fransiskanlılar Ordeninin gerbi. Ordenin baş (general) nazirinin gerbində aşağıdakılar təsvir edilib: gerbin birinci 1/4 hissəsində İsa Məsihin əli qəhvəyi rəngli əbada olan Müqəddəs Fransiskin əli ilə carpazlaşmiş şəkildə və arxa planda xaç təsvir olunub. Hər ikisi əlləri ilə siqmatı, Müqəddəs Fransisk ilə Xilaskarın "sarsılmaz müqaviləsini" gistərir; İkincidə - Serafim; üçüncüdə - İsanın beş yarası; dördüncüdə - Qüds xacı.

Tarixi

Fransisk təbliğat aparmağa 1207-ci ildə başlamış və 1209-cu ildə öz ordeni üçün papa lll İnnokentidən razılıq almaq üçün Romaya getmişdir. Müqəddəs Fransisk ordeninin papa tərəfindən bəyənilmiş ilkin nizamnaməsində ordenə əmlaka sahib olmaq qadağan olunurdu, ibadət vaxtı üzvlərindən dilənmək, ianə yığmaq tələb olunurdu. Bu cür ciddilik İsa peyğəmbərin həyat tərzinə oxşamaq və qulluq etməklə izah olunurdu. Fransiskanlar səyahət edir və küçələrdə ibadət aparır, eyni zamanda kilsə ərazilərində qalırdılar. Orden üzvlərindən tələb olunan çox kasıblıq 1223-cu ildə birdəfəlik yumşaldıldı. Qaydalara riayyət tələbinin dərəcəsi üzvlər arasında konfliktlərə və ordendən ayrılmalara gətirib çıxaran əsas səbəb olaraq qalırdı.

Əvvəllər Obsevant (qısa OFM Obs.) kimi tanınan Kiçik qardaşlar ordeni Katolik kilsəsinin ilk üç fransiskan ordenlərindən biridir. Qalan ikisi - kaputsinlər (qısa OFM Cap.) və konventuallardır (qısa OFM Conv.).