Qvadelupa və ya Qvadalup (fr. Guadeloupe) — Fransanın Karib dənizinin şərq hissəsindəki regionu və dəniz departamenti (département d’outre-mer və ya DOM).

Qvadelupa eramızdan 300 min il əvvəl aravakların yurdu idi. Onların qədim mədəniyyətləri mövcud olub.

Hindistan kimi qələmə verilən Amerika qitəsinə Xristofor Kolumbun ikinci ekspedisiyası 25 sentyabr 1493-cü il tarixində Kadis limanından başlayır. Müxtəlif mənbələrə görə 1500-2500 nəfərdən ibarət olan heyət arxadan əsən şimal-şərq passat küləklərinin təsiri altında 20 gün ərzində Atlantik okeanını üzüb keçərək Mori-Qalant adasında sahilə çıxırlar. 4 noyabrda Qvadelupa adasını kəşf edirlər. Toxunan örtüklərin gözəlliyinə görə İspaniyadan heç də geri qalmayan bu ada digərlərindən inkişaf səviyyəsinə görə fərqlənirdi.

Sufriyer vulkanı - Qvadelupanın ən yüksək zirvəsidir ( 1 467 m).