Abutalıb Qəmbər oğlu Səmədov (19 fevral 1961, Tovuz) — Azərbaycan siyasətçisi, Azərbaycan Respublikasının Diasporla İş üzrə Dövlət Komitəsi sədrinin müavini (20

Abutalıb Səmədov
Abutalıb Səmədov
Azərbaycan Respublikasının Diasporla İş üzrə Dövlət Komitəsi sədrinin müavini
	2008 – 2016
Azərbaycan Respublikası Müəllif Hüquqları Agentliyinin sədri
	2006 – 2008
Sonrakı	Kamran İmanov
Azərbaycan Respublikası Milli Məclisinin II çağırış deputatı
	7 yanvar 2001 – 2005
Seçki dairəsi	99 saylı Şəmkir şəhər
Əvvəlki	Bağır Musayev
Sonrakı	Vəzifə ləğv edildi.
Şəxsi məlumatlar
Doğum tarixi	19 fevral 1961 (65 yaş)
Doğum yeri	Tovuz, Tovuz rayonu, Azərbaycan;
Partiya	Azərbaycan Milli İstiqlal Partiyası (1992–1993),; Azərbaycan Naminə Alyans Partiyası[d] (1994–2023);

Abutalıb Qəmbər oğlu Səmədov (19 fevral 1961, Tovuz) — Azərbaycan siyasətçisi, Azərbaycan Respublikasının Diasporla İş üzrə Dövlət Komitəsi sədrinin müavini (2008–2016), Azərbaycan Respublikası Müəllif Hüquqları Agentliyinin sədri (2006–2008), Azərbaycan Respublikası Milli Məclisinin II çağırış deputatı, Azərbaycan Naminə Alyans Partiyasının sədri (1994–2023).

Həyatı

1961-ci il fevralın 19-da Tovuz şəhərində anadan olmuşdur. Azərbaycan Dövlət Universitetinin hüquq fakültəsini bitirmişdir. Rus dilini bilir. Evlidir, 3 övladı var

Siyasi fəaliyyəti

1992–1993-cü illərdə Azərbaycan Milli İstiqlal Partiyasının yaradılması prosesində iştirak edib və Sumqayıt şəhər təşkilatının sədri olub. 1993-cü ilin mayında partiya üzvlüyündən çıxıb. 1994-cü ilin oktyabrında Azərbaycan Naminə Alyans Partiyasının təşkilat komitəsinə rəhbərlik edib və partiyanın sədri seçilib.

1997–1998-ci illərdə Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsi sədrinin müavini işləyib.

1990, 1995, 2000-ci illərdə parlament seçkilərində namizəd kimi iştirak edib, 2001-ci il yanvarın 7-də 99 saylı Şəmkir şəhər seçki dairəsindən deputat seçilmişdir Milli Məclisin İnsan hüquqları daimi komissiyasının üzvü olmuşdur.

2006–2008-ci illərdə Müəllif Hüquqları Agentliyinin sədri vəzifəsində fəaliyyət göstərmişdir.

Abutalıb Səmədov Azərbaycan Naminə Alyans Partiyasının (ANAP) qurucusu, ilk və son sədri olmuşdur (17 noyabr 1994 – 2 mart 2023).

3 Noyabr 2023 il tarixindən bugünədək Alyans Strateji Araşdırmalar Mərkəzinin rəhbəridir.