Free-to-play, Free2play, F2P və ya FtP (ing. free – pulsuz və ing. play – oynamaq; hərfi tər. oynamaq pulsuzdu və ya pulsuz oynamaq) — məzmununlarının əhəmiyyətli bir hissəsini oyunçulara pulsuz verən videooyunlarına verilən ad. Free-to-play oyunlarının bir neçə növü var, lakin ən çox yayılmış fremium (ing. Freemium) proqram təminatı modelinə əsaslanır. Fremium videooyunlarında təqdim edilən məzmun tamamilə pulsuz olmur. Bu cür videooyunlarında, oyunçulara tam funksional bir videooyun verilir, ancaq əlavə məzmun üçün oyunçular mikroödənişlər ödəməlidirlər. Free-to-play oyunlarının əksi pay to play oyunlarıdır. Burada ödəniş oyun xidmətlərindən istifadə etməzdən əvvəl tələb olunur.
Növlər
Free-to-play oyunlarının müxtəlif növləri var, fəqət ən məşhurları bunlardır:
- Shareware (translit. Şeyrveyr) və ya Şərti-pulsuz proqram təminatı — istifadəçiləri tam lizensiyanı almağa inandırmaq üçün nəzərdə tutulan dəyişkən funksionallıqlı sınaq məhsulu. Demo oyun olaraq bilinən "shareware" oyunları oyunçulara məhsulun tam versiyasından fərqli olaraq çox az funksionallıq verir.
- Fremium — məhsulun "tam versiya"sını pulsuz təqdim edən, lakin istifadəçilərin mikroödənişlərlə özəl xüsusiyyətlər və virtual mallar aldığı videooyunlara verilən ad. Bu cür videooyunlarına "Clash of Clans", "Fallout Shelter", "Star Wars: The Old Republic", "Need for Speed: World" oyunlarını nümunə göstərmək olar.
vikipedia, viki, ensiklopediya, kitab, məqalə, oxumaq, pulsuz yüklə, free-to-play sözünün mənası, free-to-play haqqında məlumat. free-to-play nədir? free-to-play nə deməkdir?