Loqan Veyd Lerman (19 yanvar 1992, Beverli-Hillz, Kaliforniya, ABŞ) — ABŞ aktyoru. Ekranla tanışlığını uşaqlıqda reklam çarxları vasitəsilə yaşayıb, 1990-cı ill

Loqan Lerman
Loqan Lerman
	ing. Logan Lerman
Doğum adı	Logan Wade Lerman
Doğum tarixi	19 yanvar 1992 (34 yaş)
Doğum yeri	Beverli-Hillz, Kaliforniya, ABŞ;
Fəaliyyəti	kino aktyoru, uşaq aktyor[d], televiziya aktyoru, aktyor
Fəaliyyət illəri	2000-ci ildən
Təhsili	Beverli-Hillz Ali Məktəbi[d],; Nyu-York Universiteti;
IMDb	ID0503567
	Vikianbarda əlaqəli mediafayllar

Loqan Veyd Lerman (19 yanvar 1992, Beverli-Hillz, Kaliforniya, ABŞ) — ABŞ aktyoru. Ekranla tanışlığını uşaqlıqda reklam çarxları vasitəsilə yaşayıb, 1990-cı illərin ortalarından bu sahədə görünüb.

"Cek və Bobbi" (orij. "Jack & Bobby") serialı (2004–2005) onun ilk ciddi ekran təcrübəsi sayılır. "Kəpənək effekti" (2004) və "Bayquşun səsi" (orij. "Hoot") (2006) filmləri də bu erkən dövrə aiddir. Şöhrətin qapısını isə ona "Persi Cekson" (orij. "Percy Jackson") seriyası (2010–2013) açır. Baş rolda göründüyü bu filmlərlə adı dünyaya yayılır. Eyni dövrdə "Üç muşketyor"da (orij. "The Three Musketeers") (2011) Dartanyan, "Qınına çəkilmiş birinin ağlından keçənlər"də (orij. "The Perks of Being a Wallflower") (2012) isə tamaşaçının ürəyinə yatan bir obraz yaradır.

Zamanla daha yetkin obrazlara yönəlib. "Nuh" (2014), "Qəzəb" (2014) və "Qürur yarası" (orij. "Indignation") (2016) filmləri bu mərhələnin parlaq nümunələridir. "Ovçular" (orij. "Hunters") triller serialı (2020–2023) isə onu yenidən televiziya ekranlarına gətirib.

Erkən illəri

Beverli-Hillz (Los-Anceles dairəsi) sakinidir. Ailəsində anası Liza (qızlıq soyadı Qoldman) onun menecerliyini üstlənib, atası Larri Lerman isə sahibkar və ortopedik protez mütəxəssisidir. Evdə ondan böyük həm bir qardaş, həm də bir bacı var.

Yəhudidir və gəncliyində bar-mitsva mərasimini keçirib. Ailəsinin tarixi isə olduqca əhatəlidir. Dörd babası dörd ayrı ölkədə doğulub.

Aktyorluq seçdiyi üçün özünü ailəsinin "özgə cürə biri" sayır. Ailədə tibb adamları üstünlük təşkil edir. Onların ulu babadan qalma bir şirkəti var, 1915-ci ildən bəri ortopedik protez istehsalı ilə məşğuldurlar. L. Lerman Beverli-Hillzdəki liseyini qurtardıqdan sonra 2010-cu ildə Nyu-York Universitetinin yaradıcı yazarlıq fakültəsinə sənəd verib, amma oxumağı sonraya saxlayıb.

Şəxsi həyatı

Kinematoqrafiya sənətinə hədsiz bağlı biridir və özünü "kino düşkünü" adlandırmaqdan çəkinmir. Gənclik illərindəki müsahibələrində filmlərin onu şəkilləndirdiyini və özünü yaradıcı biri saydığını deyir. 2010-cu ildə filmin çəkilişinə dair hər şeydə əli olmaq istədiyini bildirib. Ssenari yazmaq, prodüserlik, rejissorluq... sadalaya-sadalaya qurtarmır. Rejissorlardan isə Pol Tomas Anderson, Stenli Kubrik, Devid Finçer və Piter Boqdanoviçə xüsusi hörmət bəsləyir. Ən sevdiyi filmlər mövzusuna gəlincə, "Amerikansayağı gözəllik", "Həyatın üçün savaş" (orij. "Defending Your Life") və "Ləkəsiz zehnin əbədi parıltısı" (orij. "Eternal Sunshine of the Spotless Mind") ilk ağlına gələnlərdir.

2011-ci ildə özü barədə danışarkən "içəri çəkilən, sakit" biri olduğunu, evdən çıxmağa xüsusi həvəs duymadığını və idmanla maraqlanmadığını söyləyib.

2023-cü ilin noyabrında o, uzun müddətdir birlikdə olduğu sevgilisi Ana Korriqanla nişanlandığı xəbərini verib.