Sahibüləmr məscidi (fars. مسجد صاحب‌‌الامر‎) və ya Şah Təhmasib məscidi - Təbriz şəhərinin Sahibabad meydanında yerləşən məsciddir. Səfəvi hökmdarı I Şah Təhmas

Sahibüləmr məscidi
Sahibüləmr məscidi
Ölkə	İran
Status	Ölkə əhəmiyyətli
Şəhər	Təbriz
Yerləşir	Sahibabad meydanı
Aidiyyəti	Səfəvilər dövləti
Sifarişçi	Şah I Təhmasib
Tikilmə tarixi	XVI əsr
	38°05′02″ şm. e. 46°17′44″ ş. u.HGYO
	Vikianbarda əlaqəli mediafayllar

Sahibüləmr məscidi (fars. مسجد صاحب‌‌الامر‎) və ya Şah Təhmasib məscidi - Təbriz şəhərinin Sahibabad meydanında yerləşən məsciddir. Səfəvi hökmdarı I Şah Təhmasibin dövründə tikilmişdir və tarix boyunca dəfələrlə dağıdılmış və bərpa edilmişdir. Sahibüləmr XII Şiə imamı İmam Mehdinin titullarından biridir və komandanların rəhbəri mənasına gəlir.

2001-ci ilin 10 oktyabrında 4196 saylı qərarla İranın milli dəyərləri siyahısına salınmışdır.

Tarixi

Məscidin tikilmə tarixi dəqiq olaraq bilinməsə də, Səfəvi hökmdarı I Şah Təhmasibin dövründə Şahibabad meydanının şərq hissəsində tikilmişdir. 1638-ci ildə Təbriz şəhəri Osmanlı hökmdarı IV Murad tərəfindən işğal edildikdən sonra məscid dağıdılmışdır. Lakin, şəhər tezliklə Səfəvilər tərəfindən azad edilmiş və məscid yenidən bərpa edilmişdir. Lakin, az sonra baş vermiş zəlzələ nəticəsində məscid yenidən dağılmışdır. Buna görə də, məscid və məscidin yerləşdiyi meydan Qulu xan Dünbüli tərəfindən bərpa edilmişdir.

Xalq məscidə XII Şiə imamı İmam Mehdinin titullarından biri olan Sahibüləmr adını vermişdir.

Qalereya

Girişin görüntüsü
Daxildən görüntüsü

Həmçinin bax

Göy məscid (Təbriz)
Təbriz
Cənubi Azərbaycan