Kosode (小袖?, hərfi tərcümədə"}]]}'>hərf. "kiçik qollar") — Yaponiyada istifadə olunan qısaqol geyim növü. Kimononun birbaşa sələfi hesab edilir. Onun quruluşu k

Kosode (小袖^?, hərf. "kiçik qollar") — Yaponiyada istifadə olunan qısaqol geyim növü. Kimononun birbaşa sələfi hesab edilir. Onun quruluşu kimono ilə oxşarlıq təşkil edir, lakin nisbətləri fərqli olmuşdur. Adətən bədən hissəsi daha geniş, yaxası uzun, qolları isə daha dar tikilirdi. Kosodenin qolları adətən tam şəkildə bədən hissəsinə tikilir və xarici kənarları yumru formalı olurdu.

Kosode Yaponiyada Kamakura dövründən (1185–1333) başlayaraq Edo dövrünün sonlarına (1603–1867) qədər gündəlik geyim kimi istifadə olunmuşdur. Edo dövrünün son illərində onun biçimi dəyişmiş, müasir kimonoya bənzər ölçülər almış və həmin dövrdə "çiyinlərə geyilən şey" mənasını verən kimono termini əvvəllər kosode adlandırılan geyimə şamil edilməyə başlanmışdır.

Tarixi

Əvvəlcə boyanmamış şəkildə hazırlanan kosodelər Muromaçi dövründə (1336–1573) boyanmış parçalardan tikilməyə başlanmış, Momoyama dövründə (1573–1603) ən yüksək populyarlıq mərhələsinə çatmış, Keyço və Edo dövrlərində isə tədricən istifadədən çıxmışdır. Kosodenin bəzədilməsində bir sıra üsullardan istifadə edilirdi; bunlara kara-ori (hərf. "Çin parçası") adlanan ipək parça növü daxil idi. Bu texnika üzən ipək saplardan və qızıl örtüklü kağız zolaqlardan istifadə etməklə naxış tikməsini təqlid edirdi. Əlavə olaraq, tsuciqahana adlı mürəkkəb boyama və tikmə texnikası da geniş yayılmışdı. Lakin həm bu texnikalar, həm də digər bəzək üsulları lüks geyimlərə qarşı tətbiq edilən məhdudlaşdırıcı qanunlar və yuzen boyama üsulunun inkişafı nəticəsində tədricən sıradan çıxmışdır.