Endryu Cekson Yanq kiçik (ing. Andrew Jackson Young Jr.; 12 mart 1932, Nyu-Orlean, Luiziana) — ABŞ mülki hüquq müdafiəçisi və dövlət xadimi, ABŞ-nin BMT-dəki nü

Endryu Yanq
Endryu Yanq
	ing. Andrew Young
ABŞ nümayəndəsi
	3 yanvar 1973 – 29 yanvar 1977
	3 yanvar 1973 – 29 yanvar 1977
Şəxsi məlumatlar
Doğum adı	Andrew Jackson Young
Doğum tarixi	12 mart 1932 (93 yaş)
Doğum yeri	Nyu-Orlean, Luiziana, ABŞ;
Partiya	ABŞ Demokrat Partiyası
Təhsili	Hovard Universiteti[d] (–1951);
Fəaliyyəti	film prodüseri, siyasətçi, diplomat, yazıçı, sülh aktivisti, insan hüquqları fəalı, film ssenaristi[d], televiziya aktyoru, kino aktyoru, dini rəhbər[d]
Uşağı	4
Elmi fəaliyyəti
İş yeri	BMT
Təltifləri	;
	Vikianbarda əlaqəli mediafayllar

Bu məqalə Endryu Yanq haqqındadır. Endrü Yan üçün Endrü Yan səhifəsinə baxın.

Endryu Cekson Yanq kiçik (ing. Andrew Jackson Young Jr.; 12 mart 1932, Nyu-Orlean, Luiziana) — ABŞ mülki hüquq müdafiəçisi və dövlət xadimi, ABŞ-nin BMT-dəki nümayəndəsi (1977-1979).

Həyatı

Diş həkimi Endry Cekson Yanq və müəllim Deyzi Yanqın (nikahdan əvvəl Fuller) oğlu 12 mart 1932 Yeni Orleanda anadan olmuşdur. 1947—1948-ci illərdə Dillard Universitetində təhsil alırdı, 1951-ci ildə Hovard Universitetində biologiya üzrə bakalavr dərəcəsini bitirdi, 1955-ci ildə isə Hartford Seminariyasında ilahiyyat üzrə bakalavr dərəcəsini aldı.

1955-ci ildə Birləşmiş Məsih Kilsəsinin keşişi oldu, Alabama və Corciyada müxtəlif kilsələrdə xidmət etmişdir. 1961-ci ildə Atlantaya köçdü və Cənubi Xristian Rəhbəriliyi Konfransına qatıldı. Martin Lüter Kinqin tərəfdaşlarından biri olmuşdur, 1968-ci ildə onun qətlindən sonra Ralf Abernati ilə əməkdaşlıq edirdi.

1970-ci ildəki uğursuz cəhddən sonra, Yanq 1972-ci ildə demokratlardan ABŞ Nümayəndələr Palatasına seçildi, daha sonra 1974 və 1976-cı illərdə yenidən seçildi. Cimmi Karteri dəstəkləyirdi və 1977-ci ildəki onun prezident seçkilərindəki qələbəsindən sonra ABŞ-nin BMT-dəki Daimi Nümayəndəsi təyin edildi. Fələstin Azadlıq Təşkilatının nümayəndəsi ilə görüşdüyü məlum olduqdan sonra istefa etdi.

1981-ci ildə Atlanta meri seçildi, 1985-ci ildə yenidən bu vəzifəyə seçildi. 1990-cı ildə Corciya qubernatoru vəzifəsinə namizəd olmuş, lakin Demokrat Partiyasındakı ilkin seçkilərdə məğlub oldu. 1996-cı ildə Atlantada keçirilən Yay Olimpiya Oyunlarının təşkilat komitəsinin üzvü idi.

Kitabları

An Easy Burden: The Civil Rights Movement and the Transformation of America (1998);
A Way Out of No Way (1996);
Andrew Young at the United Nations (1978);
Andrew Young, Remembrance & Homage (1978);
The History of the Civil Rights Movement (9 volumes, 1990);
Trespassing Ghost: A Critical Study of Andrew Young (1978);
Walk in My Shoes: Conversations between a Civil Rights Legend and his Godson on the Journey Ahead with Kabir Sehgal (2010). ISBN 978-0-230-62360-6;
The Politician (2010).