Fərhad Qurban oğlu Xəlilov (26 oktyabr 1946, Bakı) — Azərbaycan rəssamlıq məktəbinin nümayəndəsi, Azərbaycan Respublikasının xalq rəssamı (2002), Azərbaycan Rəs

Fərhad Xəlilov 26 oktyabr 1946-cı ildə anadan olub. 23 saylı orta məktəbdə təhsil almışdır. İlk peşə təhsilini 1961–1966 illərdə Əzim Əzimzadə adına Azərbaycan Dövlət Rəssamlıq Məktəbində almışdır. Daha sonra o, 1966–1968-ci illərdə Stroqanov Rəssamlıq Məktəbində və 1969–1975-ci illərdə Moskva Poliqrafiya İnstitutunda öz təhsilini davam etdirmişdir. Əmək fəaliyyətinə 1963-cü ildə Azərbaycan Dövlət Musiqili Komediya Teatrında rəssam kimi başlamışdır.

F. Xəlilov 1969-cu ildən SSRİ Rəssamlar İttifaqının üzvü olmuş, 1987-ci ildə Azərbaycan Rəssamlar İttifaqının sədri seçilmişdir. 2008-ci ildən Rusiya Rəssamlıq Akademiyasının fəxri üzvüdür.

Rəssamın yaradıcılığında Abşeron motivləri əhəmiyyətli yer tutur. Çimərliklər və Abşeron görüntüləri, həmçinin Abşeron yarımadasının yaşayış məntəqələri — Nardaran, Buzovna, Zağulba, Maştağa, Mərdəkan və başqaları buna misal ola bilər.

Rəssamın əsərləri dəfələrlə dünyanın müxtəlif ölkələrində, həmçinin müxtəlif qalereya və sərgilərdə nümayiş etdirilmişdir.

• Rusiya Rəssamlıq Akademiyasının gümüş medalı — 1987
• "Azərbaycan SSR əməkdar incəsənət xadimi" fəxri adı — 7 may 1988^[⇨]
• "İncəsənət və ədəbiyyat" ordeni (Fransa) — 2000
• "Puşkin" medalı (Rusiya) — 2000
• "Azərbaycan Respublikasının xalq rəssamı" fəxri adı — 30 may 2002
• "Şöhrət" ordeni — 25 oktyabr 2006
• Rusiya Rəssamlıq Akademiyasının qızıl medalı — 2012
• "Şərəf" ordeni — 25 oktyabr 2016
• Müstəqil Dövlətlər Birliyinin "Birliyin ulduzu" mükafatı — 2017
• 1-ci dərəcəli "Əmək" ordeni — 23 noyabr 2021
• "Heydər Əliyevin 100 illiyi (1923–2023)" yubiley medalı — 2024