243 İda (/ˈaɪdə/) — Asteroid qurşağında yerləşən və Koronoid ailəsinə məxsus S sinifli asteroid. 29 sentyabr 1889-cu ildə avstriyalı astronom İohan Paliza tərəf

243 İda
243 İda
Kəşfi
Kəşf tarixi	29 sentyabr 1884
Orbital xarakteristikaları
Perisentri	2,732159532159 ± 0 a.v.
Aposentri	2,992927297184 ± 0 a.v.
Böyük yarımoxu	2,862543414671 ± 0 a.v.
Orbitinin ekssentrisiteti	0,045548263773 ± 0
Siderik dolanma dövrü	1.768,9947745189 ± 0 sut
Orta anomaliyası	8,484984861572 ± 0 °
Orbitin meyli	1,138±0,001 dərəcə, 1,130114887490663±0,000000062411 dərəcə
Qalxan düyünün uzunluğu	323,5483160421322±0,0000039566 dərəcə
Perisentr arqumenti	113,78852160587 ± 0 °
Nəyin peykidir	Günəş
Fiziki xarakteristikaları
Kütləsi	42.000.000.000.000.000 kq
Orta sıxlığı	2,6 ± 0,5 q/sm³
Sərbəstdüşmə təcili	0,3 sm/s², 1,1 sm/s²
Sinodik fırlanma dövrü	16.682,4 s
Şimal qütbünün birbaşa çıxması	168,76 dərəcə
Şimal qütbünün meyli	−2,88 dərəcə
Albedo	0,262 ± 0,032
Temperatur	200 K
Mütləq ulduz ölçüsü	10,08
	Vikianbarda əlaqəli mediafayllar

243 İda (/ˈaɪdə/) — Asteroid qurşağında yerləşən və Koronoid ailəsinə məxsus S sinifli asteroid. 29 sentyabr 1889-cu ildə avstriyalı astronom İohan Paliza tərəfindən kəşf edilmiş və asteroidə yunan mifologiyasında nimfalardan biri olan İdanın adı verilmişdir.

Kəşfi

29 sentyabr 1889-cu ildə Vyana rəsədxanasında Avstriya astronomu İohan Paliza tərəfindən kəşf edilmişdir. Bu kəşf edilən 45-ci asteroid idi. İda adını həvəskar astronom və pivəbişirən Moriz von Kuffner vermişdir. İda yunan mifologiyasında Kritin nimfasıdır. Kiyotsuqu Hirayama tərəfindən Koronoid ailəsinə salınmışdır.

İdanın spektrumunu 1980-ci ilin 16 sentyabrında astronomlar David Tolen və Edvard Tedesko ölçmüşdür. O gün S sinifinə aid edilmişdir. İdanın tədqiq edilməsi 1993-cü ilin əvvəllərində həyata keçirilmişdir. "Qalileyo" aparatı asteroidin 60–78 km uzaqlığında onun şəkillərini çəkmişdir.

Haqqında

Asteroid qurşağında ən çox rast gəlinən asteroid siniflərindən biri olan S sinifinə aiddir. 28 avqust 1993-cü ildə asteroid Yupiter üçün göndərilmiş "Qalileyo" aparatı tərəfindən ziyarət edilmişdir. İda kosmik aparat tərəfindən ziyarət edilən ikinci asteroid, peyki tapılan isə ilk asteroiddir.

243 İdanın orbiti Yupiter ilə Mars arasında yerləşir. Günəş ətrafında dövrünü 4,84 ilə, öz oxu ətrafında dövrünü 4,63 saata tamamlayır. Radiusu 31,7 kilometrdir. Forması nahamar və uzanmışdır, iki göy cisminin toqquşması nəticəsində yarandığı güman olunur. Səthində böyük genişlikdə və ölçüdə kraterlər vardır.

Peyki Dektil missiya üzvü Anna Harx tərəfindən "Qalileyo"dan göndərilmiş şəkillərin köməyi ilə kəşf edilmişdir. Daktil yunan mifologiyasında İda dağında yaşayan qnomlardır. Bu addan əvvəl peykə 1993(243)1 şərti adı verilmişdi. Diametri 1,4 kilometrdir və bu İdanın 1/20 hissəsidir. Onun İda ətrafında orbiti tam dəqiqliklə müəyyən olunmayıb. Daktil və İda bir çox xüsusiyyəti paylaşır, onların mənşəyinin eyni olduğu ehtimal olunur.