Fərman Bəhram oğlu Nəbiyev (28 fevral 1960, Mingəçevir) — Azərbaycan Respublikasının "Əməkdar jurnalist"i (2010), "Qızıl qələm", "H.B.Zərdabi" mükafatları laure

Fərman Nəbiyev
Fərman Nəbiyev
	azərb. Nəbiyev Fərman Bəhram oğlu‎
Doğum adı	azərb. Nəbiyev Fərman Bəhram oğlu‎
Təxəllüsü	Nəbivi
Doğum tarixi	28 fevral 1960 (66 yaş)
Doğum yeri	Mingəçevir, Azərbaycan SSR, SSRİ;
Milliyyəti	azərbaycanlı
Həyat yoldaşı	Yeganə Nəbiyeva
Uşaqları	Aysel; Günel; Elnur
Atası	Bəhram Nəbiyev
Anası	Kütayın Nəbiyeva
Təhsili	Bakı Dövlət Universitetinin Jurnalistika fakültəsi;
Fəaliyyəti	jurnalist
Fəaliyyət illəri	1980-ci ildən
Əsərlərinin dili	Azərbaycan dili
İstiqamət	siyasət, hüquq
Janrlar	məqalə, reportaj, oçerk
Mükafatları	; ;

Fərman Bəhram oğlu Nəbiyev (28 fevral 1960, Mingəçevir) — Azərbaycan Respublikasının "Əməkdar jurnalist"i (2010), "Qızıl qələm", "H.B.Zərdabi" mükafatları laureatı, "Mingəçevir işıqları" qəzetinin baş redaktoru, "Mingəçevir Valideynlər Assosiasiyası" İctimai Birliyinin rəhbəri.

Həyatı

Fərman Nəbiyev 28 fevral 1960-cı ildə Mingəçevir şəhərində anadan olmuşdur.

Təhsili

1977-ci ildə Mingəçevirdəki 3 saylı orta məktəbi, 1986-cı ildə ADU-nun (hazırda BDU) jurnalistika fakültəsini bitirmişdir.

Karyerası

1980-ci ildən mətbuatda çalışır. Bir müddət korrektor işlədikdən sonra, yerli qəzetlərdə müxbir və şöbə müdiri ("Mingəçevir işıqları" və "Səda"), respublika qəzetlərinin bölgə müxbiri ("Ülfət", "Həyat") olmuşdur.

1992-1993-cü illərdə Mingəşevir İcra hakimiyyəti başçısı yanında mətbuat xidmətinin rəisi olmuşdur.

1999-cu ildə "Mingəçevir işıqları" adı ilə şəxsi qəzetini təsis edib və həmin vaxtdan qəzetin baş redaktorudur. 2009-cu ilin noyabrında ABŞ səfirliyinin maliyyə dəstəyi ilə Mingəçevir Media Mərkəzini açıb. 2004-cü ilin dekabrından "Mingəçevir Valideynlər Assosiasiyası" İctimai Birliyinin prezidentidir. 2010-cu ilin iyulunda İREX-lə partnyor kimi Mingəçevirdə İcma Məlumat Mərkəzini, avqust ayından isə Beynəlxalq Miqrasiya Təşkilatının maliyyə yardımı ilə İnsan alveri qurbanları üçün reabilitasita və reinteqrasiya mərkəzini yaradıb.