Aleksandr Ottavio Mediçi (it. Alessandro di Ottaviano de' Medici) və ya sonradan XI Lev (it. Leone XI; 2 iyun 1535, Florensiya – 27 aprel 1605[…], Roma) — Mediç

1535-ci ildə Florensiyada Mediçilər ailəsində dünyaya gəldi. Atası italyan siyasətçi Ottavio Mediçi, anası isə Lorenzo Mediçinin nəvəsi Françesa Salviatidir. 11 yaşında atası vəfat etdi və Aleksandr dominikan rahibi Vinçenzo Erkolanonun himayəsində təlim-tərbiyə edildi. Uşaqlığından din sahəsinə meyilli olsa da, anasına buna etiraz etdi və Toskana hersoqu olan xalası oğlu I Kozimonun sarayına göndərildi.

1560-cı ildə Romaya getdi və orada gələcəkdə müqəddəs elan edilən rahib Filip Neriylə tanış oldu. 1566-cı ildə anasının vəfat etməsiylə dini karyerasına başladı. 22 iyul 1567-ci ildə baş tutan mərasimlə keşiş elan edildi.

1569-cu ildə papa V Piy tərəfindən Florensiya səfiri təyin olundu və 1584-cü ilədə bu vəzifədə xidmət etdi. Əlavə olaraq, 1573-cü ildə papa XIII Qriqori tərəfindən yepiskopluğa yüksəldi. 1574-cü ildə Florensiya başyepiskopu seçildi. 1583-cü ildə papa V Sikst tərəfindən kardinal, 1596-cı ildə isə papa VIII Klement tərəfindən Fransa səfiri təyin olundu.

Papa VIII Klementin ölümündən 11 gün sonra - 14 mart 1605-ci ildə baş tutan və 62 kardinalın iştirak etdiyi konklavyedə iştirak etdi. Fransa kralı IV Henrinin açıq dəstəyilə 1 aprel günü seçimlərdə qalib gəldi və Roma papası seçildi. Böyük dayısı olan papa X Levin şərəfinə, XI Lev adını aldı. 10 apreldə tacqoyma mərasimi baş tutdu. Ancaq cəmi 27 gün sonra yaşlılıq və xəstəlik səbəbilə vəfat etdi.

• Лев XI (Алессандро Оттавиано Медичи) на allvatican.ru 2013-12-20 at the Wayback Machine