Qazi ibn Feysəl ibn Hüseyn (ərəb. غازي ابن فيصل‎ Ġāzī bin Fayṣal; d. 21.3.1912, Məkkə, Hicaz, Osmanlı İmperiyası - 4.4.1939, Bağdad, İraq) — Haşimilər sülaləsin

I Qazi
I Qazi
	ərəb. غازي‎
II İraq kralı
	8 sentyabr 1933 – 4 aprel 1939
Əvvəlki	I Feysəl
Sonrakı	II Feysəl
Şəxsi məlumatlar
Doğum tarixi	21 mart 1912
Doğum yeri	Məkkə, Hicaz vilayəti, Osmanlı imperiyası;
Vəfat tarixi	4 aprel 1939 (27 yaşında)
Vəfat yeri	Bağdad, İraq krallığı;
Vəfat səbəbi	Kəllə travması[d]
Təhsili	Harrou Məktəbi[d];
Fəaliyyəti	monarx, hərbi qulluqçu
Atası	Feysəl ibn Hüseyn əl-Haşimi
Anası	Hüzeymə bint Nasir
Həyat yoldaşı	Aliyə bint Əli (1934);
Uşağı	II Feysəl;
Dini	İslam
Təltifləri
	Vikianbarda əlaqəli mediafayllar

Qazi ibn Feysəl ibn Hüseyn (ərəb. غازي ابن فيصل‎ Ġāzī bin Fayṣal; d. 21.3.1912, Məkkə, Hicaz, Osmanlı İmperiyası - 4.4.1939, Bağdad, İraq) — Haşimilər sülaləsindən İraqın ikinci kralı. İraq ordusunun feldmarşalı, donanma admiralı və İraq Hərbi Hava Qüvvələrinin marşalı.

Həyatı

Qazi, İraqın birinci kralı I Feysəl ibn Hüseynin oğlu idi. O, atası türklərə qarşı döyüşlərdə olarkən, babası Hüseyn ibn Əli ilə birlikdə qalırdı. Buna görə də, o, utancaq və təcrübəsiz bir gənc kimi böyüdü.

1924-ci ildə Əli ibn Hüseyn əl-Haşiminin rəhbərliyi altında Haşimilər sülaləsi ilə birlikdə Hicazdan Bağdada köçdü və o vəliəhd elan edildi. Sandhurstdakı İngiltərə Krallığı Hərbi məktəbində və Bağdad Hərb Akademiyasında təhsil aldı. 1933-cü ildə atası Feysəl ibn Hüseynin ölümündən sonra hakimiyyətə gəldi. O atası kimi müstəqil siyasət yeritməyə çalışırdı.

1936-cı ilin oktyabrında "Əl-Axani" təşkilatının lideri Hikmət Süleymaninin dəstəyi və general Bəkir Sidqinin rəhbərliyi ilə həyata keçirilən dövlət çevrilişini dəstəklədi. Eyni zamanda İngiltərənin mühafizəsi altındakı Küveyt üzərində İraqın haqqı olduğunu müdafiə etdi.

Hicazın sonuncu Haşimi kralı, əmisi Əli ibn Hüseyn əl-Haşiminin qızı Aliyə Sultan ilə evləndi və bu evlilikdən bir oğlu dünyaya gəldi. 1939-cu ildə avtomobil qəzasında dünyasını dəyişdi. Yerinə oğlu Feysəl ibn Qazi keçdi.

Həmçinin bax

Haşimilər
Feysəl ibn Hüseyn əl-Haşimi
Feysəl ibn Qazi əl-Haşimi