Trabzonspor 1967-ci ildə qurulmuşdur və qısa zamanda Türkiyə futbolunun önəmli simalarından birinə çevrilmişdir. Klub yaradıldığı ildən etibarən Türkiyə 2-ci Fu

Trabzonspor 1967-ci ildə qurulmuşdur və qısa zamanda Türkiyə futbolunun önəmli simalarından birinə çevrilmişdir. Klub yaradıldığı ildən etibarən Türkiyə 2-ci Futbol Liqasında (indiki adıyla 1-ci Liqa) mübarizə aparmağa başladı. İlk mövsümündə 20 komanda arasında yarışaraq Boluspordan sonra liqanı 6-cı sırada tamamladı.

Növbəti iki mövsümdə sabit çıxış edən komanda 2 dəfə ardıcıl olaraq 4-cü yeri tutdu. Daha sonra bir mövsüm liqanı 8-ci pillədə başa vurdu. Trabzonspor üçün əsl yüksəliş isə 1974-cü ildə başladı. Həmin ildən etibarən klub Türkiyə Super Liqasında mübarizə aparmağa başladı və bu tarixdən sonra Türk futbolunun əsas güclərindən biri oldu.

Trabzonspor-un ilk prezidenti Əli Osman Ulusoy olmuşdur. Klub, illər ərzində göstərdiyi uğurlu çıxışlarla Türkiyə Super Liqasında çempion olmuş 6 klubdan biri olmağı bacarmışdır. Qara dəniz bölgəsinin futbol təmsilçisi olan Trabzonspor, həm rəqabətçi ruhu, həm də azarkeş sevgisi ilə ölkədə xüsusi yer tutur.

Trabzonspor 1975–1976 mövsümündə liqada çempion olaraq, növbəti mövsümdə UEFA (UEFA Çempionlar Kuboku) təşkilatında iştirak etmək hüququ qazanmışdı. Avropada ilk qarşılaşmasını İslandiyanın təmsilçisi İB Akraness ilə oynayan və bu komandanı məğlub edən Trabzonsporun Avropa arenasında ilk qolunu Nəcmi Perek vurdu. Trabzonspor ikinci turda Liverpul FK ilə qarşılaşdı. Trabzonspor, Trabzonda ilk matçını 1–0 qazanarkən, Böyük Britaniyada məğlub olmaqdan xilas ola bilmədi; Çempionlar Kubokunun qalibi Liverpul həmin il Avropa matçlarında yeganə məğlubiyyətini Trabzonda aldı. Trabzonsporun Avropa arenasında ən böyük uğuru UEFA Kuboku 3-cü mərhələsidir. Buna baxmayaraq tarixi boyu Olimpik Lion FK və Aston Villa FK kimi əhəmiyyətli Avropa klublarını yarışlardan kənarlaşdırıb. FC Internazionale Milan, Liverpul və FC Barcelona kimi Avropa çempionlarını məğlub etməyə müvəffəq oldu.

Trabzonspor Avropada ən böyük hesablı qələbəsini 2007-ci ildə 6–0 ilə Vllazniya Shkoder qarşı qazanır, 1990–1991 mövsümündə isə FC Barcelonaya qarşı 2–7 nəticəsi ilə ən böyük hesablı məğlubiyyətini aldı.

Trabzonspor Şanlıurfaspor və İrlandiyanın Droeda Yunayted klubu ilə dost klub sayılır.

Trabzonsporun rəngləri tünd qırmızı və mavidir.

Trabzonspor oyunlarını olduqca çox olan azarkeşləri qarşısında oynayır. Trabzonspor Türkiyənin ən çox azarkeşi olan 4. klubudur. Trabzonspor'un yalnız Trabzon şəhərindən olan yox, digər şəhərlərdən olan azarkeşləri də var. Azarkeşlər üçün 61. dəqiqənin xüsusi önəmi var.

• Türkiyə Super Liqası: 47

1974 — hal-hazırda

• Türkiyə 1. liqası: 7

1967–1974

• Türkiyə Super Liqası

Çempion (7): 1975-1976, 1976–1977, 1978–1979, 1979–1980, 1980–1981, 1983–1984, 2021-2022

İkinci (9): 1977–1978, 1981–1982, 1982–1983, 1994–1995, 1995–1996, 2003–2004, 2004–2005, 2010–2011, 2019–2020

• Türkiyə Kuboku

Çempion (9): 1976–1977, 1977–1978, 1983–1984, 1991–1992, 1994–1995, 2002–2003, 2003–2004, 2009–2010, 2019–2020

İkinci (5): 1974–1975, 1984–1985, 1989–1990, 1996–1997, 2012–2013

• Türkiyə Super Kuboku

Çempion (10): 1976, 1977, 1978, 1979, 1980, 1983, 1995, 2010, 2020, 2022

İkinci (3): 1981, 1984, 1992

• Baş nazirlik Kuboku

Çempion (5): 1975–1976, 1977–1978, 1984–1985, 1993–1994, 1995–1996

İkinci (6): 1976–1977, 1989–1990, 1990–1991, 1992–1993, 1996–1997, 1997–1998

• Türkiyə İkinci Liqası "Qırmızı qrup"

Çempion (1): 1973–1974