Samuel Hantinqton (ing. Samuel Phillips Huntington; 18 aprel 1927[…], Nyu-York, Nyu-York ştatı – 24 dekabr 2008[…], Martas-Vinyard[d], Massaçusets) — məşhur ame

Samuel Hantinqton
Samuel Hantinqton
	ing. Samuel P. Huntington
Doğum adı	Samuel Phillips Huntington
Doğum tarixi	18 aprel 1927[…]
Doğum yeri	Nyu-York, Nyu-York ştatı, ABŞ;
Vəfat tarixi	24 dekabr 2008[…] (81 yaşında)
Vəfat yeri	Martas-Vinyard[d], Massaçusets, ABŞ;
Vəfat səbəbi	şəkərli diabet
Elm sahəsi	beynəlxalq münasibətlər
İş yerləri	Harvard Universiteti,; Kolumbiya Universiteti;
Təhsili	Harvard Universiteti,; Yel Universiteti,; Çikaqo Universiteti;
Tanınmış yetirmələri	Frensis Fukuyama, Con Mirşaymer
Tanınır	"Sivilizasiyaların toqquşması" (ing. Clash of Civilizations)
Üzvlüyü	Amerika İncəsənət və Elmlər Akademiyası;
	Vikianbarda əlaqəli mediafayllar

Samuel Hantinqton (ing. Samuel Phillips Huntington; 18 aprel 1927^[…], Nyu-York, Nyu-York ştatı – 24 dekabr 2008^[…], Martas-Vinyard^[d], Massaçusets) — məşhur amerikalı sosioloq və politoloq, müqayisəli politologiya və avtoritarizmdən demokratiyaya keçid problemləri üzrə tanınmış mütəxəssis.

1996-cı ildə yayımladığı "Sivilizasiyaların toqquşması və dünya nizamının yenidən qurulması" əsərində sivilizasiyaların etnomədəni prinsiplər əsasında qarşıdurması konsepsiyasını irəli sürmüşdür. Bundan əlavə, o çoxsaylı tədqiqat işlərinin, o cümlədən "Üçüncü dalğa: XX əsrin sonunda demokratikləşmə" (1991) və "Biz kimik? Amerika milli kimliyinə çağırışlar" adlı məşhur əsərlərin müəllifi, "Foreign Policy" jurnalının həmtəsisçisi və Harvard Universitetinin strateji araşdırmalar institutunun direktoru olmuşdur.

24 dekabr 2008-ci ildə 81 yaşında Massaçusets ştatındakı Martas-Vinyard qəsəbəsində vəfat edib.

İdeyaları

Hantinqtonun araşdırmalarının əsas problemlərindən biri, onun sosial-iqtisadi modernləşmədən ayırdığı siyasi inkişafdır. Amerikalı alim institutlaşmanı siyasi inkişafın əsas göstəricisi kimi görürdü. "Dəyişən cəmiyyətlərdə siyasi quruluş 1968" adlı əsəri bu problemlərə həsr olunmuşdu. "Üçüncü dalğa: XX əsrin sonunda demokratikləşmə" (1991) adlı kitabında Hantinqton 70-ci illərin sonu və 80-ci illərdə bir çox ölkələrdəki demokratiyaya keçişi demokratikləşmənin qlobal prosesi olaraq dəyərləndirirdi. Bununla bərabər, o, bəzi ölkələrin geriyə, avtoritar rejimlərə dönüşünü istisna etmirdi. Lakin təkamülün ümumi gedişi, onun fikrincə, demokratiya yolunu seçmiş ölkələrin sayının durmadan artması istiqamətindədir.

Əsərləri

Əsgər və Dövlət: Sivil-Hərbi əlaqələrin nəzəriyyəsi və siyasəti. (1957)
Ümumi Müdafiə: Milli Siyasətdə Strateji Proqramlar. (1961)
Dəyişən Cəmiyyətlərdə Siyasi Düzən. (1968)
Üçüncü Dalğa: XX Əsrin Sonlarında Demokratikləşmə. (1991)
Sivilizasiyaların Toqquşması və Dünya Düzəninin Yenidən Qurulması. (1996)
Biz kimik? Amerikanın Milli Kimlik Problemləri. (2004)