Zənzibar və ya Zangibar — Afrikanın şərqində, iki adadan ibarət və Tanzaniya dövlətinə bağlı muxtar bölgə.

Zənzibar
Zənzibar
	ing. Zanzibar
	Bayraq[d]
	Himn: "Mungu ametubarikia"
Rəsmi dili	suahili, ingilis
Etnik qrupları	Hadimu; Tumbatu
Dini	islam (99 %)
Paytaxt	Stoun Taun
Ən böyük şəhəri	Zənzibar
İdarəetmə forması	federativ respublika
Sahəsi
• Ümumi	2.461 km²
Əhalisi
• Əhali (2012)	1.303.569 nəfər
Valyuta	Tanzaniya şillinqi
İnternet domeni	.tz
Telefon kodu	255
Saat qurşaqları	ŞAZ
	Vikianbarda əlaqəli mediafayllar

Zənzibar və ya Zangibar — Afrikanın şərqində, iki adadan ibarət və Tanzaniya dövlətinə bağlı muxtar bölgə.

Zənzibar əsas ada olan Zangibar adasından və Pemba adasından ibarətdir. Paytaxtı Stoun Taun şəhəridir. İqtisadiyyatı ədviyyata və turizmə əsaslanır. Zənzibar əsil adı Forrux Bulsara olan və "Queen" rok qrupunun solisti olan Freddi Merkurinin doğum yeridir. Merkuri Stoun Taunda anadan olmuşdur.

Zənzibar dünyanın ən tanınmış ədviyyat ixracatçılarından biridir.

Tarixi

Zənzibar Şirazdan qaçıb gəlmiş iranlı köçkünlər tərəfindən yaradılmışdır. Fars dilində "Zangi bar"– "zəncilər sahili" deməkdir. 1503–1698-ci ildə Zənzibar Portuqaliyanın hakimiyyətində qalmışdır. 1698-ci ildə Oman sultanlığının əlinə keçmişdir.

1840-cı ildə Oman sultanı Seyid Said ibn Sultan Əl-Busaid sultanlığın paytaxtını Məsqətdən adadakı Ston Tauna köçürmüşdür. 1856-cı ildə ölümündən sonra oğulları hakimiyyət uğrunda savaşa çıxmış və 6 aprel 1861-ci ildə sultanlıq Oman və Zənzibar olmaqla iki yerə ayrılmışdır. 6-cı oğlu Məcid ibn Sultan Ə-Busaid (1834–1870) Zənzibar sultanı, 3-cü oğlu Seyid Tuvaini ibn Said Əl-Said Oman sultanı olmuşdur.

Zənzibar 1890–1963-cü illərdə Böyük Britaniya tərəfindən təyin olunan vəzirlərlə yarı-müstəqil idarə olunmuşdur. 19 dekabr 1963-cü ildə müstəqil sultanlıq olmuşdur. Amma tezliklə 12 yanvar 1964-cü ildə hökumət devrilmiş və 26 aprel 1964-cü ildə Tanzaniyaya birləşmişdir.

İdarəetmə

Zənzibarın 50 yerli və hər 5 ildən bir yenilənən milli məclisi vardır.

Turizm

Zənzibarda, xüsusilə də onun mərkəzi olan Stoun Taunda hər gün "ədviyyat turları" təşkil edilir. Vaxtı ilə bu ada dünyanın yarısını ədviyyatla təmin edirdi.

Qalereya

Zənzibar çimərliyi
Stoun Taun
Sulatn sarayı
Procolobus kirkii, Cozani meşəsi, Zənzibar.
Mixək Zənzibar iqtisadiyyatında vacib rol oynamışdır.
Möcüzələr Evi
Zənzibar Şərqi Sahil çimərliyi
Zənzibar taciri Tippu Tip
Zənzibar sultanı
Zənzibar.

Həmçinin bax

Zənzibar Futbol Assosiasiyası