Qarakeçdi (əvvəlki adı: Leninkənd) — Azərbaycan Respublikasının Laçın rayonunun Qarakeçdi kənd inzibati ərazi dairəsində kənd. 5 oktyabr 1999-cu il tarixli 708-

Kəndin keçmiş adı Qarakeşiş olmuşdur. XVII əsrdə Cənubi Azərbaycandan gəlmiş ailələrin Qara Keşiş damı adlı yerdə məskunlaşması nəticəsində yaranmışdır. Rəvayətə görə, oradakı Qarakeşiş damı adlanmış qara daş "Əsli və Kərəm" dastanındakı Əslinin atası Qara Məlikdir. Hazırda kənddəki bulaqlardan biri də Əsli-Kərəm bulağı adlanır. 1936-cı ildə kəndə V.Leninin adı verilmişdir. Kəndin adı keçən əsrin sonlarında Qıraqlı kimi rəsmiləşdirilmişdir.

Bu ərazi işğal dövründə ermənilər tərəfindən Lernahovit icması adlandırılmışdır.

Kəndin məktəb binasını Amerikada yaşayan ermənilərin köməyi ilə təmir ediblər. 2014-cü il sentyabr ayının 25-də həmin məktəbin açılışı keçirilmişdir. Həmin məktəb üç kəndin – Qarakeçdi, Şeylanlı və Ağbulaq kəndlərinin ortaq məktəbi sayılır.

Əhali kürdlərdən ibarətdir. Əksər hissəsi Birinci Qarabağ müharibəsindən sonra Ağcabədi rayonunda məskunlaşmışdır.

2006-cı ilin statstikasına görə kəndin əhali sayı 1750 nəfər olmuşdur.

Erməni mənbələrinin 2014-cü ilə aid olan məlumatına görə kənddə 47 ailə yaşayır.

İşğaldan əvvəl kənd əhalisinin əsas təsərrüfatı heyvandarlıq idi.

• 
  2024-cü ildə Qarakeçdi
• 
• 
  İşğal dövründə Qarakeçdi