Qərvənd bələdiyyəsi — Azərbaycan Respublikasının Ağdam rayonunda 1999-2024-cü illərdə fəaliyyət göstərmiş bələdiyyə.

07.12.1999-cu il tarxili 771-IQ nömrəli "Bələdiyyələrin əraziləri və torpaqları haqqında" Qanunun ilkin redaksiyasının "Ağdam rayonu" bölməsində nəzərdə tutulmuş 8 bələdiyyədın biri də Ağdam rayonunun Qərvənd bələdiyyəsi olmuşdu. Həmin vaxt bu Bələdiyyənin ərazisinə aşağıdakı kəndlər aid edilmişdi: Orta Qərvənd, Ayaq Qərvənd, Çıraxlı, Əhmədağalı, Kolqışlaq və Mirəşelli kəndləri.

Bələdiyyəyə VÖEN verilmiş, o statistik ərazi təsnifatına daxil edilmişdir.

2000-ci il tarixli Protokolunda təsbit edilmiş Qərarı ilə Bələdiyyənin ilk Nizamnaməsi təsdiq edilib və onun 21.09.2005-ci il tarixli 09 nömrəli Protokolunda təsbit edilmiş 3-cü Qərarı ilə ləğv olunub.

18.04.2000-ci il tarixli 864-IQ nömrəli Qanunla təsdiq edilmiş “Azərbaycan Respublikasında yerli özünüidarəetmə üzrə Əlaqələndirmə Şuraları haqqında” Əsasnaməyə uyğun olaraq bu Bələdiyyə Quzanlı qəsəbəsində yaradılmış "Ağdam Bələdiyyələrinin Əlaqələndirmə Şurası"nın üzvülüyünə qəbul edilib.

2003 - 2020-ci illərdə "Bələdiyyələrin fəaliyyətinə inzibati nəzarət haqqında" Qanuna əsasən Bələdiyyə üzərində inzibari nəzarəti Ədliyyə Nazirliyi, özünün Bələdiyyələrlə iş mərkəzi (Bələdiyyələrlə iş baş idarəsi) və Bərdə Regional Ədliyyə İdarəsi vasitəsilə həyata keçirilib.

03.05.2005-ci il tarixli 903-IIQ nömrəli Qanunla təsdiq edilmiş "Bələdiyyələrin regional assosiasiyalarının Nümunəvi Əsasnaməsi"nə uyğun olaraq, Bələdiyyə Azərbaycan Kənd Bələdiyyələrinin Milli Assosiasiyasının üzvü olmuşdur.

29.06.2004-cü il tarixli 715-IIQ nömrəli Qanunla "Qərvənd bələdiyyəsinin əhatə etdiyi Əhmədağalı, Çıraxlı, Kolqışlaq və Mirəşelli kəndlərində Əhmədağalı bələdiyyəsi" yaradılmış, həmin kəndlər Qərvənd bələdiyyəsinin tabeliyindən çıxarılmışdı.

21.09.2005-ci il tarixli 09 nömrəli Protokolunda təsbit edilmiş 1-ci Qərarı ilə Bələdiyyənin ikinci Nizamnaməsi qəbul olunub və Ağdam rayonunun Əhmədağalı bələdiyyəsinin 10.04.2025-ci il tarixli 04 nömrəli Protokolunda təsbit eidlmiş 3-cü Qərarı ilə ləğv edilib.

2020 - 2024-cü illərdə "Bələdiyyələrin fəaliyyətinə inzibati nəzarət haqqında" Qanuna əsasən Bələdiyyə üzərində inzibari nəzarəti Ədliyyə Nazirliyi, özünün Bələdiyyələrlə iş mərkəzi (Bələdiyyələrlə iş baş idarəsi) və Qarabağ Regional Ədliyyə İdarəsi vasitəsilə həyata keçirilib.

10.09.2024-cü il tarixli 09 nömrəli Protokolunda təsbit olunmuş Qərara əsasən əhali sayının Qanunla müəyyən edilmiş minimum həddən aşağı olması ilə əlaqədar Ağdam rayonunun Qərvənd bələdiyyəsi tərəfindən Ağdam rayonunun Əhmədağalı bələdiyyəsinə birləşmə qərarı verilib.

18.11.2024-cü il tarixli 50-VIIQ və 51-VIIQD nömrəli qanunlarla "7.4. Əhmədağalı, Qərvənd və Təzəkənd bələdiyyələrinin əhatə etdiyi Bənövşələr, Birinci Dördyol, İkinci Dördyol, Təzəkənd qəsəbələrində və Ayaq Qərvənd, Çıraxlı, Əhmədağalı, Kolqışlaq, Mirəşelli, Orta Qərvənd, Təzəkənd kəndlərində Əhmədağalı bələdiyyəsi" yaradılıb. Bununla da Qərvənd bələdiyyəsinin fəaliyyətinə xitam verilib, aktivləri yeni yaradılan Əhmədağalı bələdiyyəsinə təhvil verilib.

"Bələdiyyə əraziləri tə torpaqları haqqında" Qanuna əsasən Ağdam rayonunun Qərvənd bələdiyyəsinin mərkəzi Ağdamın Qərvənd inzibati ərazi dairəsində yerləşən Ayaq Qərvənd kəndi olub.

Bu Bələdiyyələnin ərazisinə aşağıdakılar aid edilib:

Bələdiyyənin tam adı	VÖEN	Bələdiyyə ödəyiciləri üçün vergi kodu	Bələdiyyənin statistik kodu	İnzibati ərazi dairəsi	İƏD statistik kod	İnzibati ərazi vahidi	İƏV statistik kod
Ağdam rayonunun Qərvənd bələdiyyəsi	3200032271	3208	60910007	Qərvənd kənd iəd	60910005	Ayaq Qərvənd kəndi	60910038
						Orta Qərvənd kəndi	60910028
				Əhmədağalı kənd iəd	60927005	Əhmədağalı kəndi	60927018
						Çıraxlı kəndi	60927028
						Kolqışlaq kəndi	60927038
						Mirəşelli kəndi	60927048

Hesab olunub ki, həmin dövrdə Ermənistan SQ-nin işğalı altında olan aşağıdakı kəndləri azad olunduqda, onlar bu Bələdiyyənin ərazisinə qatılacaqdır:

İnzibati ərazi dairəsi	İƏD statistik kod	İnzibati ərazi vahidi	İƏV statistik kod
Qərvənd kənd iəd	60910005	Baş Qərvənd kəndi	60910018
		Şıxlar kəndi	60910048