"GameTrailers" (qısaca "GT") — ABŞ videooyun veb saytı. Saytda videooyunların videoları və treyleri, sinematik videolar, önizləmələr, resenziyalar, istehsalçıla

GameTrailers
GameTrailers
Dilləri	ingilis dili
Sahibi	MTV
Açılma tarixi	2002
Bağlanma tarixi	2016
Alexa reytinqi	680.968 (2017);

"GameTrailers" (qısaca "GT") — ABŞ videooyun veb saytı. Saytda videooyunların videoları və treyleri, sinematik videolar, önizləmələr, resenziyalar, istehsalçılarla müsahibələr, geympley videoları və s. yer alır. Sayt istifadəçilərinə qeydiyyat tələb olunmayan bütün video məzmunlara tam pulsuz giriş təmin edilir. Eyni zamanda, video materialları əksər hallarda həm onlayn izləmək, həm də istifadəçinin öz kompüterində endirmək funksiyası mövcuddur.

İstifadəçilər "GameTrailers" veb saytına video yükləyə, bloqlar yarada və forumlarda iştirak edə bilərlər. Onlar həmçinin, videooyunlara və ya digər maraqlara əsaslanan icmalar yarada bilərlər. Bu icmalar özəl qapalı forumlara çıxışı var. "GameTrailers" veb saytının öz valyutası var. Əvvəllər bu valyuta "GTD" adlanırdı, lakin sonradan "GTP" olaraq dəyişdirilmişdir.

Tarixi

"GameTrailers" saytı 2003-cü ildə Ceff Qrots və Brandon Cons tərəfindən təsis edilmişdir. Con Slaşer və onun "Hornet Animation" şirkəti saytın işə salınmasına sərmayə qoymuş, beləliklə Slaşer "GameTrailers"in baş direktoru olmuşdur. Sayt 2005-ci ilin noyabrında "MTV Networks" tərəfindən açıqlanmayan bir məbləğə satın alınmışdır.

21 avqust 2007-ci ildə "MTV Networks" əyləncə bölməsini yenidən strukturlaşdırmış, "Ifilm.com" və "SpikeTV.com"u "Spike.com"da birləşdirmişdir. Bundan başqa, yeni qurum "GameTrailers" və "Xfire" ilə birlikdə "Spike Digital Entertainment"də qruplaşdırılmışdır.

Cef Keyli tərəfindən idarə olunan "GameOne" 25 yanvar 2008-ci ildə "Gametrailers TV" ilə əvəz olunmuşdur.

9 fevral 2016-cı ildə "GameTrailers" öz "Twitter" hesabında saytın bağlandığını bildirmişdir.