Qorın çayı (ukr. Горинь, belar. Гарынь) — Belarus və Ukrayna ərazisindən axan çay. Pripyat çayının sağ qolu.

Çayın uzunluğu 659 km, hövzəsinin sahəsi 27700 km², mənsəbdə orta su sərfiyyatı 110 m³/s təşkil edir. Çay öz başlanğıcını Kremenes yüksəkliklərindən götürür. Mənsəbində hündürlük 659 metrdir. Sonradan isə Volın yüksəkliklərində sıldırımlı sahillərə malik ərazidən axır. Bu hissədə onun dərinliyi artır, eni isə azalır. Polesedə isə artıq onun yatağı genişlənir, sürəti azalır. Aşağı axarlarda isə Pinski bataqlığından axır. Çayın mənsəbi 125 metr yüksəklikdə yerləşir.

Qorın çayının Xmelnis Atom Elektrik stansiyası rayonunda minerallaşması: yazda — 502 mq/dm³; yay-payız — 455 mq/dm³; qış — 567 mq/dm³.

Xmelnis AES susoyutma ərazisində minerallaşma: yazda — 396 mq/dm³; yay-payış — 401 mq/dm³; qışda — 405 mq/dm³. Suyunun tərkibi hidrokorbanat-kalsiumludur.

Ən böyük qolu — Sluç çayı (sağ). Qorın çayı naviqasiya üçün ancaq mənsəbdə 291 km məsafədə açıqdır.

Qorın çayı sahili boyunca yerləşən şəhər və qəsəbələr: İzlaslav, Slavuta, Neteşin, Ostroq, Qoşa, Orjev, Stepan, Dubrovisa, Reçisa, Stolın, David-Qorodok.

Lepesovka kəndi yaxınlığında Çerniyaxov mədəniyyətinə aid Lepesovka arxeoloji tapıntılar aşkarlanmışdır. 1957—1962-ci illərdə burada M. A. Tixanov tərəfindən arxeoloji qazıntılar aparmışdır.

• Zmeyka çayı — Qorının sağ qolu
• Soşen çayı — Qorının sağ qolu
• Stubazka çayı — Qorının sağ qolu
• Viliya çayı — Qorının sağ qolu