Tunelləmə effekti, tunelləmə — mikrohissəciklərin tam enerjisi (tunelləmə zamanı dəyişməz qalan) maneənin hündürlüyündən az olduqda, potensial maneəni dəf etmək

Tunelləmə effekti, tunelləmə — mikrohissəciklərin tam enerjisi (tunelləmə zamanı dəyişməz qalan) maneənin hündürlüyündən az olduqda, potensial maneəni dəf etməkdir. Tunel effekti sırf kvant mənşəli, klassik mexanikada qeyri-mümkün və hətta ona tamamilə zidd olan bir hadisədir. Dalğa optikasında tunel effektinin analoqu, həndəsi optika nöqteyi-nəzərindən tam daxili əksin baş verdiyi şəraitdə işıq dalğasının əksetdirici mühitə (işığın dalğa uzunluğuna görə məsafələrə) nüfuz etməsidir. Tunelləmə hadisəsi atom və molekulyar fizikada, atom nüvəsi, bərk cisimlər və s. baş verir.