VI Aleksandr (ing. Pope Alexander VI) və ya Rodriqo Borciya (isp. Rodrigo de Borja) (güm. 1 yanvar 1431 – 18 avqust 1503, Roma, Papa dövləti) — Roma papası.

VI Aleksandr
VI Aleksandr
	lat. Alexander PP. VI
Roma papası
	11 avqust 1492 – 18 avqust 1503
Əvvəlki	VIII İnnokent
Sonrakı	III Piy
Şəxsi məlumatlar
Doğum tarixi	güm. 1 yanvar 1431
Vəfat tarixi	18 avqust 1503 (72 yaşında)
Vəfat yeri	Roma, Papa dövləti;
Vəfat səbəbi	malyariya
Təhsili	Boloniya Universiteti;
Fəaliyyəti	katolik keşişi[d]
Uşaqları	Çezare Borcia;
Ailəsi	Borgia ailəsi
Dini	Roma-Katolik kilsəsi
	Vikianbarda əlaqəli mediafayllar

VI Aleksandr (ing. Pope Alexander VI) və ya Rodriqo Borciya (isp. Rodrigo de Borja) (güm. 1 yanvar 1431 – 18 avqust 1503, Roma, Papa dövləti) — Roma papası.

Araqon krallığına bağlı Xativa şəhərində məşhur Borciya ailəsində dünyaya gəldi. Bolonya Universitetində təhsilini tamamlamasının ardından dekan olaraq kilsə xidmətinə başladı. 1455-cı ildə dayısının III Kalliks adıyla Roma papası seçilməsinin ardından öncə kardinal, bir il sonra Roma-katolik kilsəsinin vitse-kansleri oldu. Dayısından sonra gələn 4 papanın dövründə də bu vəzifəsində qaldı və bu müddət ərzində kilsə daxilində nüfuz və var-dövlət qazandı. 1492-ci ildə VI Aleksandr adını alaraq Roma papası seçildi.

1493-cü ildə yazdığı fərmanlarla İspaniyanın Yeni Dünya üzərindəki nüfuzunu təsdiqlədi. Bunda əsas məqsədi isə Fransaya qarşı ispanların ittifaqını qazanmaq idi. İtaliya müharibəsi boyunca VI Aleksandr Fransa kralına kondottiyeri olaraq göndərdiyi oğlu Çezare Borciyanı dəstəklədi. Xarici siyasətdəki əsas məqsədi isə öz ailəsinin mənafeyini qorumaq idi.

Öz məşuqələrindən doğulan övladlarını rəsmi şəkildə öz adına qəbul etməsi səbəbilə VI Aleksandr İntibah dövrünün ən müzakirəli Roma papası oldu. Nəticədə onun sonradan italyanlaşdırılan Borciya soyadı əxlaqsızlıq və nepotizmin simvoluna çevrildi. Buna baxmayaraq xələflərindən ikisi - V Sikst və VIII Urban onu Müqəddəs Pyotrdan sonrakı ən görkəmli Roma papası kimi tərənnüm etdi.