Nəqədə – (Azərbaycan Türkcəsində: Sulduz; farsca: نقده) İranın qərbində, Qərbi Azərbaycan ostanında şəhərdir. 1967–ci ilədək şəhər rəsmi olaraq Sulduz adlanırdı

Nəqədə
Nəqədə
	نقده
	36°57′19″ şm. e. 45°23′17″ ş. u.HGYO
Ölkə	İran;
Tarixi və coğrafiyası
Mərkəzin hündürlüyü	1.325 m
Saat qurşağı	UTC+03:30;
Əhalisi
Əhalisi	81.598 nəf. (2016);
	Xəritəni göstər/gizlə Nəqədə
	Vikianbarda əlaqəli mediafayllar

Nəqədə – (Azərbaycan Türkcəsində: Sulduz; farsca: نقده) İranın qərbində, Qərbi Azərbaycan ostanında şəhərdir. 1967–ci ilədək şəhər rəsmi olaraq Sulduz adlanırdı. Urmu gölündən 70 km cənub-qərbdə, dəniz səviyyəsindən 1300 metr hündürlükdə yerləşir. Nəqədə yaxınlığındakı Təpə-i Həsənli adlı yer qədim mannalıların məskəni idi. Bu gün orada qədim Manna şəhərlərindən birinin xarabaları mövcuddur. Soyuqbulaq (Məhabad), Xana (Piranşəhr), Üşnü (Üşnəviyə) və Urmu (Urmiya) ilə əhatə olunub.

Bu şəhərin tarixində çoxlu hadisələrin izi var. Arxeoloji qazıntılar Həsənlitəpədə şəhərin qədim tarixindən bəhs edir və şəhərin salınma tarixini eramızdan əvvəl 2000-ci ilə işarə edir. Assuriya, Manna və Türk tayfaları burada məskunlaşıblar. Nəhayət, Qacar sülaləsinin erkən vaxtında qarapapaq tayfaları Qafqazdan İrana köçür və Sulduz düzənliyində məskunlaşır. Onlar indiki Nəqədədə kənd təsərrüfatı ilə məşğuldurlar.

Görməli yerləri

Zindan və Baba Həsən məzarları;
Urmiya gölündən cənub-qərbdə tarixi epiqrafik yazılar;
Həsənlitəpə - Nəqədədən 12 km. şimal-qərbdə; onun "Qızıl Fincanı" abidəsi məşhurdur.
Yeddigöz parkı
Qalabaşı
Sulduz bölgəsinin tarix-diyarşünaslıq muzeyi
Şıx Məruf qazlı su bulağı

İqtisadiyyatı

Nəqədənin iqtisadiyyatının əsas hissəsini kənd təsərrüfatı məhsulları və qoyun-keçi təsərrüfatı təşkil edir. Bu heyvanların həm əti, həm də yunu ixrac edilir. Burada yaşayan fermerlər alma, üzüm, pomidor, soğan, armud, lobya və s. meyvələrin becərilməsi ilə də məşğul olurlar. Kənd təsərrüfatının belə yüksək inkişaf etməsinin səbəbi yeni texnikaların və elmi yeniliklərin tətbiq edilməsidir.

Təhsil

Nəqədə şəhərində 3 universitet yerləşir:

Payam Nur Universiteti
Nəqədə Azad Universiteti
Sulduz Azad Beynəlxalq Universiteti

Əhali

1996-cı il hesablamalarına görə, şəhərin əhalisi 20,781 ailə olmaqla 110,257 nəfər təşkil etmişdir. 2016-cı il hesablamalarına görə isə,şəhərin əhalisinin sayı 82 min nəfərdir.

Dil

Sulduz şəhərində yaşayanların böyük çoxluğu azərbaycanca (türkcə) danışan əhalidir. Şəhərin azərbaycanlı əhalisinin sayı ümumi əhalinin 75 faizdən çox hissəsini təşkil edir. Şəhərdə habelə, sonradan köçən kürdlər də yaşayır ki, onlar da ümumi əhalinin təxminən 20 faizini təşkil edir.

Sulduzun milli tərkibi
etnikqrup			nisbəti
Azərbaycanlılar			75%
Kürdlər və başqaları			25%

Həmçinin bax

Yeddigöz bulağı

Nəqədə
نقده


36°57′19″ şm. e. 45°23′17″ ş. u.^HGYO
Ölkə	İran
Tarixi və coğrafiyası
Mərkəzin hündürlüyü	1.325 m
Saat qurşağı	UTC+03:30
Əhalisi
Əhalisi	81.598 nəf. (2016)
Xəritəni göstər/gizlə Nəqədə
Vikianbarda əlaqəli mediafayllar