Seyid İbrahim Rəisi (fars. سید ابراهیم رئیسی‎; 14 dekabr 1960, Məşhəd – 19 may 2024, Bəkrabad kənd dairəsi[d], Şərqi Azərbaycan ostanı) — İranın 8-ci prezidenti

İbrahim Rəisi
İbrahim Rəisi
	fars. ابراهیم رئیسی‎
İran İslam Respublikasının Prezidenti
	3 avqust 2021 – 19 may 2024
Əvvəlki	Həsən Ruhani
Sonrakı	Məsud Pezeşkian
İranın Mütəxəssislər Məclisinin üzvü
	24 may 2016 – 19 may 2024
Seçki dairəsi	Cənubi Xorasan ostanı
	20 fevral 2007 – 21 may 2016
Seçki dairəsi	Cənubi Xorasan ostanı
İranın Baş hakimi
	7 mart 2019 – 1 iyul 2021
Əvvəlki	Sadiq Laricani
Sonrakı	Qolam-Hüseyn Mohseni-Ecei[d]
İranın Baş prokuroru
	23 avqust 2014 – 1 aprel 2016
Əvvəlki	Qolam-Hüseyn Mohseni-Ecei[d]
Sonrakı	Məhəmməd Cəfər Muntəzəri[d]
İran Baş hakiminin birinci köməkçisi
	27 iyul 2004 – 23 avqust 2014
Sonrakı	Qolam-Hüseyn Mohseni-Ecei[d]
Şəxsi məlumatlar
Doğum adı	ابراهیم رئیس‌الساداتی
Doğum tarixi	14 dekabr 1960
Doğum yeri	Məşhəd, Məşhəd şəhristanı, Xorasan, İran;
Vəfat tarixi	19 may 2024 (63 yaşında)
Vəfat yeri	Bəkrabad kənd dairəsi[d], Şərqi Azərbaycan ostanı;
Vəfat səbəbi	helikopter qəzası[d]
Dəfn yeri	İmam Rza türbəsi;
Partiya	Kombatant Ruhaniləri Assosiasiyası[d],; Kombatant Din Xadimləri Assosiasiyası[d];
Təhsili	Şahid Mötəhəri Universiteti[d],; Qum elmiyyə hövzəsi[d];
Fəaliyyəti	siyasətçi, qazı, fəqih
Həyat yoldaşı	Cəmilə Ələmolhoda[d] (1983–2024);
Uşağı	2
Dini	İslam
Təltifləri
	raisi.ir
	Vikianbarda əlaqəli mediafayllar

Seyid İbrahim Rəisi (fars. سید ابراهیم رئیسی‎; 14 dekabr 1960, Məşhəd – 19 may 2024, Bəkrabad kənd dairəsi^[d], Şərqi Azərbaycan ostanı) — İranın 8-ci prezidenti (2021–2024).

Həyatı

Seyid İbrahim Rəisi olaraq tanınan Seyid İbrahim Rəisus-sadat 3 dekabr 1960-cı ildə Məşhədin Noğan məhəlləsində dünyaya göz açmışdır. Rəisi ibtidai məktəbi bitirdikdən sonra Qum elmi hövzəsində təhsilə başlamışdır. O, həmçinin, Şəhid Mütəhhəri adına universitetdə fiqh və fakültəsinin doktoranturasını da bitirmişdir. 20 yaşında Kərəc şəhərində vəzifəsində çalışan Rəisi, Həmədan şəhərində də eyni postda fəaliyyət göstərmişdir. 25 yaşında Tehrana köçərək, paytaxtın baş müstəntiqinin əvəzi olaraq fəaliyyətinə davam etmişdir. O 1988-ci ildə İranda siyasi və ideoloji məsələlərə görə həbs olunanların işilə bağlı təşkil olunmuş 4 nəfərlik heyətin üzvü olmuşdur.

Ayətullah Seyid Əli Xameneinin rəhbərliyə başlaması ilə Seyid İbrahim Rəisi, Tehranın baş prokuroru olaraq təyin olunmuşdur. Rəisi, 1994-cü ildə ölkənin müfəttişlik təşkilatının müdiri olaraq seçilmiş və 10 il boyunca bu vəzifəsində qalmışdır. 2004-cü ildən 2014-cü ilədək ölkənin ədliyyə qüvvəsinin birinci müavini və 2014–2015-ci illərdə isə ölkənin baş prokuroru postunda fəaliyyət göstərmişdir. O 2015-ci ildən etibarən, ölkənin Ali Dini Rəhbəri tərəfindən ruhanilərə özəl məhkəmənin rəhbəri olaraq təyin olunmuşdur. 2006-cı ildən etibarən Cənubi Xorasan şəhərinin Xobreqan məclisində olan nümayəndəsidir. O Mübariz Ruhanilər Cəmiyyətinin də üzvü olmaqla yanaşı, Xobreqan məclisinin əsas idarə heyətində yer alır.

Prezident seçkiləri

18 iyun 2021-ci ildə İran İslam Respublikasında keçirilən 13-cü Prezident seçkilərinin ilk rəsmi nəticələrinə görə mühafizəkar namizəd Rəisi 29 milyon səsdən 17 milyon 900 minini qazanaraq seçkidə qələbə qazanmışdır.

Ölümü

İbrahim Rəisi 19 may 2024-cü ildə Azərbaycan–İran sərhədində Azərbaycan prezidenti İlham Əliyev ilə görüşdən sonra İrana qayıdarkən helikopteri qəzaya uğradı və o hadisə nəticəsində öldü.