Natiq Hacı oğlu Cavadov (8 mart 1955, Əliağalı, Ağdam rayonu) — Milli Aerokosmik Agentliyinin (MAKA) Müşahidə Şurasının sədri, texnika elmləri doktoru, professo

Natiq Cavadov 8 mart 1955-ci ildə Ağdam rayonunun Əliağalı kəndində anadan olmuşdur. 1971-ci ildə Bakı şəhərindəki 132 nömrəli orta məktəbi bitirmiş, elə həmin il Bakı Dövlət Universitetinin fizika fakültəsinə daxil olmuş və 1979-cu ildə oranı bitirmişdir. 1975-1977-ci illərdə hərbi xidmətdə olmuşdur. 1978-2003-cü illərdə Azərbaycan Milli Aerokosmik Agentliyində texnik, böyük texnik, mühəndis, böyük mühəndis, aparıcı mühəndis, partiya komitəsinin katibi, daha sonra Ağdam "Mikropribor" Elmi-Texniki Kompleksinin baş direktoru və Bakı şəhərindəki Kosmik Cihazqayırma zavodunun direktoru vəzifəsində işləmişdir. 2003-cü ildən 2019-cu ilədək Azərbaycan Respublikası "Sənayeavtomatika" İstehsalat Birliyinin Baş direktoru olmuş, elə həmin il Azərbaycan Respublikası Müdafiə Sənayesi Nazirliyi Milli Aerokosmik Agentliyinin Baş direktoru vəzifəsinə təyin olunmuşdur. 2025-ci ildən Milli Aerokosmik Agentliyinin Müşahidə Şurasının sədridir.

Ailəlidir, 2 övladı var.

1997-ci ildə - texnika elmləri namizədi, 2007-ci ildə texnika elmləri doktoru elmi adlarını almışdır. 2010-cu ildən professordur. Beynəlxalq Ekologiya və Təbiətdən İstifadə Akademiyasının akademikidir. 2003-cü ildən Beynəlxalq Mühəndislik Akademiyasının həqiqi üzvü, 2006-cı ildən Azərbaycan Mühəndislik Akademiyasının həqiqi üzvü, 2024-cü ildə Beynəlxalq Elmlər Akademiyasının həqiqi üzvüdür. 2025-ci ildən Asiya Elmlər Akadmiyasının akademikidir. Türk Dünyası Araşdırmaları Beynəlxalq Elmlər Akademiyasının həqiqi üzvüdür.

300-dən artıq elmi məqalənin, o cümlədən 8 monoqrafiya, 5 dərslik, 7 müəlliflik şəhadətnaməsinin, 10-dən çox patent müəllifidir. 100-dən çox elmi məqaləsi xarici ölkələrdə - İspaniya, Yunanıstan, İran, Türkiyə, Rumıniya, Rusiya, Belarus, Ukrayna, Avstriya, Latviya, Finlandiya, İtaliya, Danimarka və s. çap edilmişdir.

• 1997-ci ildə - texnika elmləri namizədi

• 2007-ci il - texnika elmləri doktoru

• 2010-cu il - professor elmi adı

• 2009-cu il - "Azərbaycan Mühəndislik Akademiyasının xəbərləri" elmi-texniki jurnalının redaksiya heyətinin üzvü
• 2011-ci ildən - Moskvada nəşr edilən "Neft sənayesində avtomatlaşdırma, telemexanika və rabitə" elmi-texniki jurnalının redaksiya heyətinin üzvü
• 2011-ci ildən- Azərbaycan Mühəndislik Akademiyasının Nəzarət Təftiş Komissiyasının sədri
• 2019-cu ildən - Milli Aerokosmik Agentliyinin dövri nəşri olan “AMAKA-nın Xəbərləri” jurnalının baş redaktoru
• 2022-ci ildən - Milli Aerokosmik Agentliyinin dövri nəşri olan “Xüsusi texnika və texnologiyalar” jurnalının baş redaktoru
• Azərbaycan Respublikasının Prezidenti yanında Ali Attestasiya Komissiyasının nəzdində fəaliyyət göstərən Ekspert Şurasının sədri
• 2024- cü ildən - Azərbaycan Mühəndislik Akademiyası, “Mühəndislik və İnnovativ Texnologiyalar Departamenti”nin rəhbəri
• 2024- cü ildən - 2024-cü ildə Beynəlxalq Elmlər Akademiyasının həqiqi üzvü və “Aerokosmik Elmlər və Texnologiyalar” bölməsinin sədri seçilmişdir.
• 2025-ci ildən Asiya Elmlər Akademiyasının akademikidir.
• Beynəlxalq Akademik Akkreditasiya və Atesstasiya Komitəsinin Azərbaycan Respublikası üzrə nümayəndəsi.

• "Tərəqqi" medalı – Azərbaycan Respublikası Prezidentinin 18 oktyabr 2011-ci il tarixli Sərəncamı ilə
• "Mühəndislik şöhrəti" medalı - 2011-ci il Beynəlxalq Mühəndislik Akademiyası
• "Fəxri mühəndis" döş nişanı və "20 il xidmətinə görə" qızıl döş nişanı - Azərbaycan Mühəndislik Akademiyası
• “Qızıl ulduz” medalı, “Atatürk” beynəlxalq mükafatı və ilin “Baş Direktoru” beynəlxalq mükafatı - Türk Dünyası Araşdırmaları Beynəlxalq Elmlər Akademiyası
• 10-dan çox beynəlxalq sertifikata layiq görülmüşdür.

• 20-dan çox beynəlxalq elmi konfranslarda iştirak etmişdir.

• 10-dan çox elmlər doktoru və texnika üzrə fəlsəfə doktoru