Mensa — "Mensa"nın əsasını 1946-cı ildə Rolland Berrill və Lans Var qoymuşdur. "Mensa" sözünün latın dilində hərfi mənası "masa"dır. Bu təşkilat milliyyətindən,

Mensa
MIL
Mensa; MIL
	Mensa
Yaranma tarixi	1 oktyabr 1946
	mensa.org
	Vikianbarda əlaqəli mediafayllar

Mensa — "Mensa"nın əsasını 1946-cı ildə Rolland Berrill və Lans Var qoymuşdur. "Mensa" sözünün latın dilində hərfi mənası "masa"dır. Bu təşkilat milliyyətindən, yaşından, siyası baxışlarından, təhsilindən və cəmiyyətdəki statusundan asılı olmayaraq hamının bərabər hüquq və imkanlara malik olduğu cəmiyyətdir. Burada yeganə tələb – yüksək İQ göstəricisidir.

İlkin məqsəd bütün irqi və dini mövhumatdan azad qeyri-siyasi bir cəmiyyət yaratmaq idi. Cəmiyyət özünəbənzər istedada malik insanlarla ünsiyyətdə olmaq və müxtəlif ictimai və mədəni həyatda iştirak etmək məqsədilə intellekti ən yüksək olan 2% əhalini burada toplayır.

Mensa-nın üç əsas məqsədi var:

bəşəriyyətin xeyrinə olacaq yüksək insan intellektinin aşkar olunması və dəstəklənməsi;

intellektin təbiətinin, xarakteristika və tətbiqinin araşdırılmasına imkan yaratmaq;

öz iştirakçıları üçün stimullaşdırıcı intellektual mühitin yaradılması.

Mensa üzvlərinə yüksək İQ göstəricisindən başqa tələb qoyulmur. Göstərici bəzi testlərə görə 132, digərinə görə 148 ola bilər. Bəzi testlər isə ümumiyyətlə İQ göstəricilərindən istifadə etməyə də bilər. Əsas odur ki, göstərici 98%-in göstərdiyindən çox olsun.

Hazırda burada dünyanın 100 ölkəsindən 100 minə yaxın insan cəmləşib. Mensanın bölmələri Antarktidadan başqa bütün qitələrdə 40 ölkədə mövcuddur. Mensa üzvlərinin yaşları çox müxtəlifdir. Bu göstərici 4 yaşdan 94 yaşa kimi dəyişsə də, əsas hissənin yaş diapazonu 20-49 arası dəyişir.

Mensaya daxil olan ən gənc uşağın – Eliza Tan Robertsin 2 il 4 ay və 14 günlük yaş həddində İQ göstəricisi 156 idi. 2019 ilin may ayında The Bucks Beraldın yazdığına görə artıq gənc mensalı Albert Eynşteyn və Stiven Hokinq IQ-sundan 2 bal artıq toplayan 11 yaşlı Tara Şarifi oldu. Onun IQ göstəricisi 162 bal ilə qiymətləndirildi.

Stanford-Binet testinin maksimal 160 balından daha çox qiymətləndirilir.