Qurgen Qarnikoviç Nersiyan (erm. Գուրգեն Գառնիկի Ներսիյան; 15 oktyabr 1985, Stepanakert) — Ermənistan siyasətçisi, 2021-2023-cü illərdə DQR-nin baş prokuroru, 22 fevral 2023-cü ildən avqust ayına qədər DQR-nin dövlət naziri.
| Qurgen Nersisyan | |
|---|---|
| 23 fevral 2023 – 31 avqust 2023 | |
| Əvvəlki | Ruben Vardanyan |
| Sonrakı | Samvel Şahramanyan |
| Şəxsi məlumatlar | |
| Doğum tarixi | 15 oktyabr 1985 (40 yaş) |
| Doğum yeri |
|
| Fəaliyyəti | siyasətçi |
Həyatı
Qurgen Nersisyan 14 oktyabr 1985-ci ildə Azərbaycan SSR-nin Xankəndi şəhərində anadan olmuşdur. 2002-ci ildə Xankəndində Avetik İsaakyan adına 10 saylı məktəbi, 2007-ci ildə Xankəndi Universitetinin İqtisadiyyat-hüquq fakültəsini hüquqşünas ixtisası üzrə bitirmişdir. 2007-ci ildən DQR-nin prokurorluq sistemində işləmiş və Ağdərə rayon prokurorunun köməkçisi-stajyeri təyin edilmişdir. 2008–2009-cu illərdə Ağdərə rayon prokurorunun köməkçisi və həmin prokurorluğun prokuroru vəzifələrində çalışmışdır. 2009–2011-ci illərdə Xankəndi şəhər Prokurorluğunda prokuror vəzifəsində işləmişdir. 2011–2015-ci illərdə Baş Prokurorluğun Korrupsiyaya, əmlak və iqtisadi fəaliyyətə qarşı mübarizə idarəsinin prokuroru, 2019-cu ilə qədər isə böyük prokuror vəzifələrində çalışmışdır. 2019–2020-ci illərdə Baş Prokurorluqda prokuror vəzifəsində çalışmışdır. 2020-ci ilin iyul ayından hüquq müdafiəsi fəaliyyəti ilə məşğuldur.
11 fevral 2021-ci il tarixində DQR Milli Assambleyasının qərarı ilə Qurgen Nersisyan DQR-nin Baş prokuroru vəzifəsinə seçilmişdir. 23 fevral 2023-cü ildə Artsax Respublikasının Prezidenti Arayik Harutyunyan onu DQR-nin dövlət naziri vəzifəsinə təyin etmişdir.
Qurgen Nersisyan 2014-cü ildən elmi və pedaqoji fəaliyyətlə məşğuldur. Beş elmi məqalənin və ondan çox nəşrin müəllifidir.
Mükafatlar
- "Mxitar Qoş medalı" (13 oktyabr 2016-cı il).
- "Hüquq sisteminin gücləndirilməsinə görə medal" (22 noyabr 2019-cu il).
vikipedia, viki, ensiklopediya, kitab, məqalə, oxumaq, pulsuz yüklə, Qurgen Nersisyan haqqında məlumat. Qurgen Nersisyan nədir? Qurgen Nersisyan nə deməkdir?