Ceyms Maykl Conson (ing. James Michael Johnson 30 yanvar 1972, Şrivport) — ABŞ siyasətçisi və hüquqşünası, ABŞ Nümayəndələr Palatasının 56-cı spikeri.

Johnson siyasətə qoşulmazdan əvvəl konstitusiya hüququ üzrə vəkil kimi fəaliyyət göstərmişdir.

2002–2010-cu illərdə o, hazırda Alliance Defending Freedom adı ilə tanınan Alliance Defense Fund təşkilatında vəkil kimi çalışmışdır. Bu təşkilat ABŞ-də sosial mühafizəkar hüquqi müdafiə qrupu olub, konstitusionalizm hüquq nəzəriyyəsinə əsaslanır.

2004-cü ildə Consson Luiziana Konstitusiyasına 1-ci düzəlişi müdafiə etmişdir. Sözügedən düzəliş nikahı bir kişi ilə bir qadın arasında müəyyənləşdirirdi və hüquqi etirazlara məruz qalmışdı.

2010-cu ilin avqustunda Johnson Louisiana College nəzdində yaradılması planlaşdırılan Pressler Hüquq Məktəbinin "təsisçi dekanı" təyin edilmişdir. Hüquq məktəbi heç vaxt fəaliyyətə başlamamış və Johnson 2012-ci ilin avqustunda vəzifəsindən istefa vermişdir.

Universitetin prezidenti Joe Aguillard hüquq məktəbinin uğursuzluğunu Johnsonun istefası ilə əlaqələndirmişdir. Lakin sonradan Aguillard vəzifəsindən azad edilmiş və onun donorlar və Müşahidə Şurasına qarşı çoxsaylı saxtakarlıqlara yol verdiyi müəyyən olunmuşdur.

Johnson 2004–2012-ci illərdə Southern Baptist Convention təşkilatının Etika və Dini Azadlıqlar Komissiyasının üzvü olmuşdur.

2015-ci ildə Johnson dini azadlıqlar sahəsində məhkəmə işləri aparan qeyri-kommersiya hüquq firması olan Freedom Guard təşkilatını təsis etmiş və onun baş hüquq məsləhətçisi olmuşdur.

Bu dövrdə o, Luiziana Dövlət Universitetində idman keşişliyi proqramının konstitusiyaya zidd olduğu iddialarına qarşı hüquqi müdafiəsini həyata keçirmişdir.

Həmçinin, Kentukki ştatında yerləşən Ark Encounter mövzu parkı ilə bağlı vergi güzəştlərinin ləğvi işində parkın sahibi Answers in Genesis təşkilatını təmsil etmişdir. Məhkəmə bu işdə təşkilatın xeyrinə qərar vermişdir.

2018-ci ildən etibarən Conson Liberti Universitetinin Helms Dövlət İdarəçiliyi Məktəbində onlayn dərslər tədris edən dəvətli professor kimi fəaliyyət göstərmişdir.