Tupolev Tu-160 (NATO kod adı: Blackjack) səsdən sürətli və dəyişkən həndəsi quruluşa malik, Sovet İttifaqında istehsal edilən ən müasir strateji ağır bombardman

Tu-160
Tu-160
	Туполев Ту-160
Tipi	Strateji bombardmançı təyyarə
Hazırlayan	Tupolev
İstehsalçı	/ Tupolev
Baş konstruktor	Valentin Bliznuk
Dizayner	Tupolev
İlk uçuş	18 dekabr 1981
İstismara verilmə tarixi	23 aprel 1987
İstismarçılar	Rusiya Hərbi Hava Qüvvələri; Ukrayna Hərbi Hava Qüvvələri
Buraxılış sayı	35 (27-si seriyalı istehsal, 8-i prototip)
Vahidinin qiyməti	250 milyon USD (1993-cü ildə)
	Vikianbarda əlaqəli mediafayllar

Tupolev Tu-160 (NATO kod adı: Blackjack) səsdən sürətli və dəyişkən həndəsi quruluşa malik, Sovet İttifaqında istehsal edilən ən müasir strateji ağır bombardmançı təyyarəsidir. Quruluş olaraq Amerikan istehsalı Rockwell B-1 Lancerə oxşamaqla yanaşı ondan daha böyük, daha artıq daşıma tutumlu və sürətlidir. İstehsal edilmiş ən böyük döyüş təyyarəsidir. Tu-160 pilotları təyyarələrini manevr qabiliyyəti və əks etdirməyən ağ boyası görə "Ağ Qu quşu" adlandırırlar. Sovet İttifaqında 1987-ci ildə xidmətə alınmış və hal-hazırda Rusiya Hərbi Hava Qüvvələrində ən azı 16 ədədi də xidmət göstərir. Rusiya 2016-ci ildə Tu-160 istehsalına yenidən başlamağı düşünür. 14 ədəd əlavə təyyarə istehsal etmək planlaşdırılır.

İstifadəçilər

Rusiya

Rusiya Hərbi Hava Qüvvələri: 2008-ci ilin aprel ayına olan məlumata əsasən 16 ədəd (12-si döyüş, 4-ü təlim məqsədilə) Tu-160 istifadə olunurdu. 2015-ci ildə döyüşə hazır vəziyyətdə olan bu bombardmançıların sayı 11 olmuşdur. 2017-ci ildə Rusiya Federasiyası Ordu Generalı Yuri Borisovun dediyinə görə hazırda döyüşə hazır vəziyyətdə olan Tu-160 döyüş təyyarələrinin sayı 16 ədəddir və bu təyyarələrin modernizasiya olunması planlaşdırılır.

Keçmiş istifadəçilər

Ukrayna

Ukrayna Hərbi Hava Qüvvələri: Sovet İttifaqının süqutundan sonra 19 ədəd Tu-160 Ukrayna Silahlı Qüvvələrinin tabeçiliyində qalır, lakin 1999-cu ildə borcun ödənilməsi məqsədilə 8 ədəd Tu-160 Rusiyaya verilmişdir. Hazırda 1 ədəd Tu-160 döyüş təyyarəsi Poltava şəhərində yerləşən "Aviasiya Muzeyi"ndə saxlanılır.

SSRİ

Sovet Hərbi Hava Qüvvələri: 1991-ci ildə Rusiya və Ukraynaya təhvil verilib.

Xüsusiyyətləri

Ümumi göstəriciləri

Ekipaj: 4 (pilot, co-pilot, bombardmançı, müdafiə sistemi üzrə zabit)
Uzunluq: 54.1 metr
Yüksəklik: 13.10 metr
Qanad açıqlığı: 35.60 metr
Boş çəki: 110,000 kq
Maksimum qalxma ağırlığı: 275,000 kq
Mühərrik: 4 Samara/trud NK-321 turbofan
Uçuş məsafəsi: 15,000 km

Uçuş göstəriciləri

Maksimum sürət: 2.05 mach (2,200 km/s)
Xidmət tavanı: 14,700 metr
Döyüş radiusu: 7,300 km
Yüksəkliyə qalxma sürəti: 70 m/s
Qanad yüklənməsi: 742 kq/m²
Çəkmə gücü/çəki: 0.37

Həmçinin bax

Tupolev Tu-95
Tupolev Tu-144
Rusiya Silahlı Qüvvələri