Elektra — Marvel Comics nəşriyyatının yaratdığı komiks personajı. 1981-ci ildə yaradılmışdır. Həyatı Daredevil ilə sıx bağlıdır.

Elektranın tam adı Elektra Natçiosdur. Bir yunan diplomatın qızıdır. Matt Murdokla (Daredevil) Kolumbiya Universitetində sevgili olmuşdur. (amma məzun olmamışdır) Bir hadisə zamanı atasının öldürülməsi ona böyük şok yaşatmışdır. Dünyaya küsən Elektra keçmiş həyatını və sevgilisini tərk etmişdir. Həyatına məna qatacaq məşğuliyyət atarırdı. Bunu Yaponiyada tapmışdır.

Döyüş sənəti ustası Çubuqla tanış olan Elektra ondan döyüş öyrənmişdir. Amma Elektranın dünyaya qarşı duyduğu nifrət böyük idi. Bunun fərqinə varan Çubuq onu tərk etmişdir. Özünü ustadına sübut etmək üçün muzdlu qatillərdən ibarət Əl ninja klanına qatılmışdır. Əlin liderləri onun bacarıqların istifadə etməyə başlamışdır. Beləliklə Əl üçün əla döyüşçü olmuşdur. Klan onu öyrətmişdir, amma bu klan yalanlar və hiylələrlə dolu idi. Əl Elektradan istifadə etdikcə onun nifrəti artmışdır. Sonda Ələ üsyan edib Yaponiyadan qaçmışdır.

Muzdlu döyüşçü kimi Elektra bacarıqlarını onu tutmaq istəyənlərə satmağa başlamışdır. Amma həyatı çəmbər kimi idi, nə qədər qaçırsa qaçsın, keçmişi onu təqib edirdi. Bir işə görə Nyu Yorka getməli olan Elektra burada Daredevil ilə qarşılaşmışdır. Qısa müddət sonra onun Matt Murdok və Çubuğun şagirdi olduğunu öyrənmişdir. Daredevil Elektranın üsullarına qarşı çıxmışdır, lakin onlar hələ də bir-birini sevirdilər.

Elektra və Daredevil Ələ qarşı birlikdə vuruşmuşdurlar. Daredevilin baş düşməni Kinqpin tərəfindən ələ alınan Elektra onun baş qatili olmuşdur. Bu işi alması onun tez-tez Daredevillə döyüşməsinə səbəb olmuşdur. Sonunda Mattın ən yaxın dostu Foqqi Nelsonu öldürməsi istənilmişdir. Amma onu öldürmək istəyəndə Foqqi onun kim olduğunu xatırlamışdır və Elektranın onun həyatını bağışlamışdır. Kinqpinin keçmiş muzdlu qatili Hədəf bu statusu qazanmaq üçün Elektranı öldürməyə qərar vermişdir. Hədəf və Elekta döyüşmüşdürlər. Bu döyüşün sonunda Hədəf tərəfindən öz saisi ilə ürəyindən vurulan Elektra Mattın qollarında can vermişdir. Amma ölüm Elekta üçün hələ son deyildi.

Ən yaxşı döyüşçülərindən birini itirmək istəməyən Əl Çubuğun şagirdlərindən biri Stonun köməyi ilə onu yenidən diriltmişdir. Əlin əmrinə tabe olmayan Elektra Daredevili də tərk etmişdir. Uzun müddət ortaya çıxmamışdır. Dünyanın ən yaxşı sui-qəsdçilərin biri olmuşdur.