Kamran Əsəd oğlu Hüseynov (15 dekabr 1913, Çərəli, Zəngəzur qəzası – 19 aprel 2006, Bakı) — Azərbaycan ictimai-siyasi və dövlət xadimi, "Şöhrət" ordeni laureatı

Kamran Hüseynov
Kamran Hüseynov
Azərbaycan Ticarət və Sənaye Palatasının sədri
	1980 – 1993
Sonrakı	Süleyman Tatlıyev
Azərbaycan SSR Nazirlər Soveti sədrinin müavini
	28 fevral 1968 – 24 mart 1980
Sədr	Ənvər Əlixanov; Əli İbrahimov
Ümumittifaq Həmkarlar İttifaqları Mərkəzi Şurasının Katibi
	10 iyun 1961 – 27 fevral 1968
Əvvəlki	Solovyov Nikolayeviç
Sonrakı	Danilin Qriqoryeviç
Azərbaycan Həmkarlar İttifaqları Şurasının sədri
	9 may 1958 – 9 iyun 1961
Əvvəlki	Şəfiqə Bədəlova
Sonrakı	Qüdrət Dadaşov
Azərbaycan Kommunist Partiyası Sumqayıt Şəhər Komitəsinin birinci katibi
	1953 – 1958
Azərbaycan Kommunist Partiyası Neftçala Rayon Komitəsinin birinci katibi
	1952 – 1953
Azərbaycan Kommunist Partiyası Binəqədi Rayon Komitəsinin birinci katibi
	1945 – 1947
Şəxsi məlumatlar
Doğum tarixi	15 dekabr 1913
Doğum yeri	Çərəli, Zəngəzur qəzası, Yelizavetpol quberniyası, Rusiya imperiyası;
Vəfat tarixi	19 aprel 2006 (92 yaşında)
Vəfat yeri	Bakı, Azərbaycan;
Partiya	Sovet İttifaqı Kommunist Partiyası (1939–1991);
Təhsili	Xarkov İnşaat Mühəndisləri İnstitutu[d] (1938–1940),; Azərbaycan Sənaye İnstitutu (1940–1941),; Azərbaycan Dövlət Pedaqoji Universitetinin Tarix fakültəsi[d] (–1949),; Azərbaycan Mərkəzi Sovet-Partiya Məktəbi (–1949);
Fəaliyyəti	siyasətçi
Elmi fəaliyyəti
Elmi dərəcəsi	tarix elmləri doktoru;
Təltifləri	;

Kamran Əsəd oğlu Hüseynov (15 dekabr 1913, Çərəli, Zəngəzur qəzası – 19 aprel 2006, Bakı) — Azərbaycan ictimai-siyasi və dövlət xadimi, "Şöhrət" ordeni laureatı.

Həyatı

Kamran Hüseynov 15 dekabr 1913-cü iidə Zəngəzur qəzasının Çərəli kəndində anadan olmuşdur. O, əmək fəaliyyətinə gənc yaşlarından başlamış, 1934-cü ildən etibarən isə Bakı neft sənayesində müxtəlif vəzifələrdə çalışmışdır. Kamran Hüseynov 1938–1940-cı illərdə Xarkov İnşaat Mühəndisləri İnstitutunda, 1940–1941-ci illərdə Azərbaycan Sənaye Akademiyasında təhsil almışdır. O, 1949-cu ildə Azərbaycan Dövlət Pedaqoji İnstitutunun tarix fakültəsini və respublika Ali Partiya Məktəbini bitirmişdir.

Kamran Hüseynov 1941–1944-cü illərdə iqtisadiyyatın müxtəlif sahələrində fəaliyyət göstərmiş, 1944–1945-ci illərdə Sumqayıt Rayon Partiya Komitəsinin sənaye və kadr işləri üzrə katibi, 1945–1947-ci illərdə indiki Binəqədi Rayon Partiya Komitəsinin birinci katibi işləmişdir. 1949–1952-ci illərdə Mingəçevirdə aparılan inşaat işlərinin rəhbərlərindən biri olmuş Kamran Hüseynov 1952–1953-cü illərdə Neftçala Rayon Partiya Komitəsinin birinci katibi, 1953–1958-ci illərdə isə Sumqayıt Şəhər Partiya Komitəsinin birinci katibi vəzifələrində çalışmışdır.

Kamran Hüseynov 1958–1961-ci illərdə respublika Həmkarlar İttifaqları Şurasının sədri olmuş, 1961–1968-ci illərdə Moskva şəhərində Ümumittifaq Həmkarlar İttifaqları Mərkəzi Şurasının katibi işləmişdir. Kamran Hüseynov 1968–1980-ci illərdə Azərbaycan SSR Nazirlər Soveti sədrinin müavini olmuşdur. O, 1980–1993-cü illərdə respublika Ticarət və Sənaye Palatasının sədri işləmiş, 1993-cü ildən isə Ticarət və Sənaye Palatasının müşaviri idi.

O, 1967-ci ildə tarix elmləri doktoru elmi dərəcəsi almışdır.

O, uzun illər Azərbaycan Respublikası Ali Sovetinin, eləcə də RSFSR Ali Sovetinin deputatı kimi səmərəli fəaliyyət göstərmişdir.

Kamran Hüseynov Azərbaycan Respublikasının ali mükafatı — "Şöhrət" ordeni ilə təltif edilmişdir. 11 iyun 2002-ci ildə Azərbaycan Respublikası Prezidentinin fərdi təqaüdünə layiq görülüb.

Kamran Əsəd oğlu Hüseynov 2006-cı il aprelin 20-də ömrünün 93-cü ilində vəfat etmişdir.

Ailəsi

Hicran Hüseynovanın atasıdır.