Xəyyam Mirzəzadə (5 oktyabr 1935, Bakı – 30 iyul 2018, Bakı) — Azərbaycan bəstəkarı, pedaqoq, professor (1979), Azərbaycan SSR xalq artisti (1987), 2 dəfə Azərb

Xəyyam Mirzəzadə
Xəyyam Mirzəzadə
	Xəyyam Hadı oğlu Mirzəzadə
Ümumi məlumatlar
Doğum tarixi	5 oktyabr 1935
Doğum yeri	Bakı, Azərbaycan SSR, ZSFSR, SSRİ;
Vəfat tarixi	30 iyul 2018 (82 yaşında)
Vəfat yeri	Bakı, Azərbaycan;
Dəfn yeri	II Fəxri Xiyaban;
Milliyyəti	Azərbaycanlı
Uşağı	Pərvin Mirzəzadə;
Musiqiçi məlumatları
Fəaliyyəti	Bəstəkar
Fəaliyyət illəri	1950–2018
Musiqi aləti	piano
Təhsili	Bakı Musiqi Akademiyası;
Mükafatları	;
	Vikianbarda əlaqəli mediafayllar

Xəyyam Mirzəzadə (5 oktyabr 1935, Bakı – 30 iyul 2018, Bakı) — Azərbaycan bəstəkarı, pedaqoq, professor (1979), Azərbaycan SSR xalq artisti (1987), 2 dəfə Azərbaycan SSR Dövlət mükafatı laureatı (1976, 1986).

Həyatı

Xəyyam Mirzəzadə 1935-ci il oktyabrın 5-də Bakıda anadan olub. 1957-ci ildə Üzeyir Hacıbəyov adına Azərbaycan Dövlət Konservatoriyasını bitirib. Həmin ildən orada çalışır. 1969–1983-cü illərdə kompozisiya kafedrasının müdiri olub.

Onun əsərləri Avstriya, İngiltərə, Macarıstan, Hollandiya, Almaniya, İtaliya, Fransa və s. ölkələrdə ifa olunub. 30-dan artıq kinofilmə və 15 dram tamaşasına, estrada və caz pyeslərinə, populyar mahnılara musiqi bəstələmişdir.

Xəyyam Mirzəzadə 52 il Azərbaycan Bəstəkarlar İttifaqının üzvü olduqdan sonra oradan ayrılıb.

Görkəmli bəstəkar 30 iyul 2018-ci ildə, 82 yaşında uzun sürən xəstəlikdən sonra evində vəfat etmişdir. II Fəxri Xiyabanda dəfn olunmuşdur.

Haqqında hələ bəstəkarın sağlığında "Bir ömrün fəsilləri: Xəyyam Mirzəzadə-75" və "Maestro. Özüm və zaman haqqında" adlı sənədli filmləri çəkilmişdir.

Təltif və mükafatları

"Azərbaycan SSR xalq artisti" fəxri adı — 11 dekabr 1987^[⇨]
"Azərbaycan SSR əməkdar incəsənət xadimi" fəxri adı — 19 aprel 1972^[⇨]
2 dəfə Azərbaycan SSR Dövlət mükafatı:
- 27 aprel 1976 (2-ci simfoniya triptixi üçün)^[⇨]
- 26 aprel 1986 ("Birisigün, gecəyarısı…" bədii filminin bəstəkarlığına görə)^[⇨]
Azərbaycan SSR Lenin komsomolu mükafatı — 1970
"Şərəf" ordeni — 7 oktyabr 2010
Şöhrət ordeni — 4 oktyabr 2000
Azərbaycan Respublikası Prezidentinin fərdi təqaüdü — 11 iyun 2002
Azərbaycan Respublikası Prezidentinin fəxri diplomu — 2 oktyabr 2015

Əsərləri

Baletləri

"Ağlar və qaralar (balet)"(2000)

Kamera orkestri üçün

Musiqi (1964)
Üç xoreoqrafik şəkil (1969)

Simfonik orkestr üçün

I Simfoniya (1957)
II Simfoniya (Triptix, 1970)
Kiçik lirik süita (1963)
Oçerklər-63 simfonik poema (1963)
"Muğan çöllərində" süitası (1967)

Xor, solist və simfonik orkestr üçün

"Çiçəklən, Vətənim" (1964) — E. Mahmudovla birgə, sözləri: Zeynal Cabbarzadə
Partiya haqqında oda (1975) — sözləri: Bəxtiyar Vahabzadə

Ağac nəfəs alətləri üçün

Sekstet (1962)

Mis nəfəs alətləri üçün

Kvartet (1970)

Simli kvartet üçün

I Kvartet (1956)
II Kvartet (1961)
Dörd miniatür (1958)
Noraşen rəqsləri (1972)

Violin və fortepiano üçün

Sonatina (1950)
Poema vä sketso (1952)

Filmoqrafiya

Abidələr danışır (film, 1964)
Abşeron ritmləri (film, 1970)
Afroditanın qolları (film, 1987)
Axınla aşağı (film, 2014)
Arxada qalmış gələcək (film, 2004)
Arxadan vurulan zərbə (film, 1977)
Bağ mövsümü (film, 1985)
Bakı eyvanları (film, 1986)
Bakıda küləklər əsir (film, 1974)
Baş tutmayan ziyafət (film, 1981)
Belə də olur (film, 1988)
Bir ailəlik bağ evi (film, 1978)
Birisigün, gecəyarısı... (film, 1981)
Bir ömrün fəsilləri. Bəstəkar Xəyyam Mirzəzadə (film, 2010)
Bizim küçə (film, 1961)
Bu, Qum adasında olmuşdur (film, 1962)
Cazibə qüvvəsi (film, 1964)(film, kinoalmanax)
Çay daşı (film, 2001)
Daş (film, 1977)
Dənizə çıxmaq qorxuludur (film, 1973)
Düyün (film, 2008)
Əlamət (film, 1982)
Ev (film, 2007)
"Fransız" (film, 1995)
Gənc memar (film, 1978)
Güllələnmə təxirə salınır!... (film, 2002)
Günlərin bir günündə... (film, 1975)
Havalansın Xanın səsi (film, 2001)
Xatirələr sahili (film, 1972)
İlıq dənizdə buz parçası (film, 1983)
İliçin döyünən qəlbi (film, 1967)
Kinorejissor Arif Babayev (film, 2000)
Maestro. Özüm və zaman haqqında. Bəstəkar Xəyyam Mirzəzadə (film, 2011)
Mahnı qanadlarında (film, 1972)
Meşəyə insan gəlir (film, 1980)
Məhv olmuş gündəliklər (film, 1999)
Mənim ağ şəhərim (film, 1993)
Mənim günahım (film, 1985)
Mikayıl Abdullayev (film, 1972)
Mir Teymur (film, 2003)
O dünyadan salam (film, 1991)
Oqtay Ağayev. Ötən günlər (film, 2004)
Sonuncu şahid (film, 2004)
Yanmış körpülər (film, 2007)
Yarımçıq təsərrüfatlar (film, 1988)
Yeddi oğul istərəm... (film, 1970)
Zirzəmi (film, 1990)
Toyda görüş (film,1970)

Həmçinin bax

Hadi Mirzəzadə
Çimnaz Mirzəzadə
Ağlar və qaralar (balet)