Xırmandalı — Azərbaycan Respublikasının Biləsuvar rayonunun Xırmandalı kənd inzibati ərazi dairəsində kənd.

Xırmandalı
Xırmandalı
	39°27′04″ şm. e. 48°36′17″ ş. u.HGYO
Ölkə	Azərbaycan;
Tarixi və coğrafiyası
Saat qurşağı	UTC+04:00;
Əhalisi
Əhalisi	8.541 nəf. (2009);
Rəqəmsal identifikatorlar
Poçt indeksi	AZ1317
	Xırmandalı

Xırmandalı — Azərbaycan Respublikasının Biləsuvar rayonunun Xırmandalı kənd inzibati ərazi dairəsində kənd.

Toponimikası

Bayat tayfasında bir tirənin adı olub.

Yaşayış məntəqəsinin adı türkdilli Xırmandalı tayfasının adı ilə bağlıdır. Mənbələrdə harmandalu/xarmandalu/xərbəndəlu/xudabəndəlu kimi qeydə alınan xırmandalıların adı bayat tayfasının tərkibində çəkilir və Səfəvilər dövlətinin siyasi həyatında mühüm rol oynadıqları göstərilir. Bu tayfanın adına İran və İraq toponimiyasında da rast gəlmək mümkündür. Qubalı Fətəli xan dövründə (1758-1789) xırmandalıların bir hissəsi Cənubi Azərbaycanın Ərdəbil əyalətindən köçüb Quba xanlığının Müşkür və Şabran mahallarına gəlmişlər. Füzuli rayonundakı Mandılı oykonimi də Xırmandalı adının təhrif olunmuş formasıdır.

Tarixi

Oruc bəy Bayatın «Relaciones de Don Juan de Persia» kitabında bu tayfanın adı çəkilir və təsvir edilir ki, “Xırmandalı biz markizlərə deyirik.”

Tarixi abidələri

Xırmandalı kəndində aşağıdakı daşınmaz tarix və mədəniyyət abidəsi qeydə alınmışdır:

İnventar №	Abidənin adı	Tarixi	Yerləşdiyi ünvan	Növü	Əhəmiyyət dərəcəsi
865	Toraqaytəpə kurqanları	Dəmir dövrü	Xırmandalı kəndinin yanında	Arxeoloji	Ölkə

Coğrafiyası və iqlimi

Kənd Muğan düzündə yerləşir.

Əhalisi

İl	Daimi əhali	Kişilər	Qadınlar
1999	7348	3540	3808
2009	↗8541	↗4189	↗4352

İqtisadiyyatı

Mədəniyyəti

Kənddə Xırmandalı kənd kitabxana filialı, Xırmandalı kənd Mədəniyyət Evi, Xırmandalı Poçt Şöbəsi (AZ1317) və Xırmandalı EATS fəaliyyət göstərir.

Təhsil

Kənddə Xırmandalı kənd 1 saylı və 2 saylı tam orta məktəbləri, eləcə də Xırmandalı kənd Uşaq İncəsənət Məktəbi fəaliyyət göstərir.

Bundan başqa kənddə Xırmandalı kənd körpələr evi-uşaq bağçası və Xırmandalı kənd uşaq bağçası fəaliyyətdədir.

Azərbaycan Respublikası Prezidentinin 12 fevral 2018-ci il tarixli Sərəncamı ilə Biləsuvar rayonunun Xırmandalı kəndində 40 yerlik körpələr evi-uşaq bağçasının tikintisi üçün 854 000 manat vəsait ayrılmışdır.

Din

Kənddə 01 iyul 2011-ci ildə qeydiyyatdan keçən, şəhadətnamə nömrəsi 100111 A1-542-3 olan Xırmandalı kəndi "Əli Əkbər" məscidi dini icması və 01 iyul 2011-ci ildə qeydiyyatdan keçən, şəhadətnamə nömrəsi 100111 A1-542-8 olan Xırmandalı kəndi "İmam Zaman" məscidi dini icması fəaliyyət göstərir.

Səhiyyə

Kənddə Xırmandalı kənd sahə xəstəxanası yerləşir.

Həmçinin bax

Xırmandalı tayfası

Xırmandalı (Masallı)

Oruc bəy Bayat