VI Adrian (lat. Hadrianus VI; it. Adriano VI; nid. Adrianus/Adriaan VI) və ya Adrian Florenszoon Buyyens van Utrext, Florents Dedal (nid. Adriaan Florenszoon Bo

VI Adrian (lat. Hadrianus VI; it. Adriano VI; nid. Adrianus/Adriaan VI) və ya Adrian Florenszoon Buyyens van Utrext, Florents Dedal (nid. Adriaan Florenszoon Boeyens; 2 mart 1459, Utrext, Müqəddəs Roma imperiyası – 14 sentyabr 1523, Roma, Papa dövləti) — 1522-ci ildən Roma Papası. O, yeganə holland Papa olmuşdur. VI Adrian əslən Utrextdən idi. O, ilahiyyat professoru, sonra isə Löven Universitetinin rektoru olmuşdur. VI Adrian 1507-ci ildən gələcək imperator V Çarlzın tərbiyəçisi olmuşdur. O, 1516-cı ildə Tortoza yepiskopu, 1516-cı ildə Araqon və Navarra inkvizitoru və 1517-ci ildə oranın kardinalı olmuşdur. Qısa pontifikliyi dövründə VI Adrian uğursuz olaraq Roma kuriyasında islahat aparmağa cəhd etmiş, reformasiyanın yayılmasını məhdudlaşdırmağa, Osmanlı imperiyasına qarşı müdafiə üçün Avropa hökmdarlarını barışdırmaq və birləşdirməyə çalışmışdır.

VI Adrian
lat. Hadrianus PP. VI
Doğum tarixi	2 mart 1459(1459-03-02)
Doğum yeri	Utrext, Müqəddəs Roma imperiyası
Vəfat tarixi	14 sentyabr 1523(1523-09-14) (64 yaşında)
Vəfat yeri	Roma, Papa dövləti
Fəaliyyəti	ilahiyyatçı, universitet müəllimi[d], katolik keşişi[d], filosof
Elmi dərəcəsi	İlahiyyat doktoru[d]
Vikianbarda əlaqəli mediafayllar