"Təsviri-əfkar" (osman. تصوير افكار, hərfi tərcümədə"}]],"parts":[{"template":{"target":{"wt":"lit","href":"./Şablon:Lit"},"params":{"1":{"wt":"Fikirlərin təsvi

"Təsviri-əfkar" (osman. تصوير افكار, hərf. "Fikirlərin təsviri") — 1862–1925-ci illər arasında fasilələrlə nəşr olunmuş uzunmüddətli türkdilli Osmanlı qəzeti. Qəzet Osmanlı imperiyasında erkən özəl nəşrlərdən biri idi. Qurucusu İbrahim Şinasi olmuşdur, aparıcı redaktorları Namiq Kamal və Yunus Nadi idi.

Təsviri-əfkar
Təsisçi	İbrahim Şinasi
Redaktor	İbrahim Şinasi
Yaranma tarixi	27 iyun 1862
Dil	Osmanlı türkcəsi

"Təsviri-əfkar"ın erkən müəllifləri arasında Şinasinin yaxın dostları Namiq Kamal, Əhməd Vəfik Paşa və Samipaşazadə Sübhi var idi. Osmanlı dövrünün son mərhələsində qəzet Əbuziya Tofiq məxsus olduğu dövrdə görkəmli müəlliflər Zəkəriyyə Sertel, Əhməd Rasim, Cənab Şəhabəddin, Ruşən Əşrəf Ünyadın, Əbdülhaq Hamid Tərxan və Yəhya Kamal Bəyatlı olmuşdur.

Qəzet orijinal adı "Təsviri-əfkar" ilə 2 may 1940-cı ildə Vəlid Əbüzziya və Ziyad Əbüzziya tərəfindən yenidən nəşrə başlamışdır. Onun fəaliyyəti Vəlid Əbüzziyanın 12 yanvar 1945-ci ildə vəfatına qədər davam etmişdir. Bu dövrdə nasistpərəst mövqe tutmuş və Türkiyənin İkinci Dünya müharibəsinə qatılmasını dəstəkləmişdir. Sonra Ziyad Əbüzziya və Cihad Baban "Təsvir" adı ilə nəşrini davam etdirmiş və qəzet 1949-cu ildə bağlanmışdır.