Namik Kamal (türk. Namık Kemal; 21 dekabr 1840, Təkirdağ, Osmanlı imperiyası – 2 dekabr 1888[…], Xios, Cəzayir-i bəhr-i səfid vilayəti, Osmanlı imperiyası) — Tü

Namik Kamal (türk. Namık Kemal; 21 dekabr 1840, Təkirdağ, Osmanlı imperiyası – 2 dekabr 1888^[…], Xios, Cəzayir-i bəhr-i səfid vilayəti, Osmanlı imperiyası) — Türkiyə şairi, jurnalist, nasir, tərcüməçi və ictimai xadim. Tənzimat ədəbiyyatının əsas nümayəndələrindən biri. "Gənc osmanlılar" cəmiyyətinin yaradıcılarından və rəhbərlərindən biri. Dərc etdiyi qəzetlər ("Azadlıq", London, 1863-1870; "Təlimat", İstanbul, 1872-1873) Türkiyədə konstitusion fikirlərin yayılmasında böyük rol oynamışdır. 1876-cı il ilk türk konstitusiya layihəsinin hazırlanmasında iştirak etmişdir. Mədəniyyətdə Avropa istiqamətinin tərəfdarı olmuşdur. 1865-ci ildə İbrahim Şinasinin mühacirətindən sonra "Təsviri-əfkar" qəzetini nəşr etməya başlamışdır. Namik Kamal türk romanının banilərindəndir. "Əli bəyin sərgüzəştləri" (1876), "Cəzmi" (1880) kimi romanlar onun qələminə aiddir. İlk dramı olan " Vətən yaxud Silistrə" (1873) əsəri Krım müharibəsi (1853-1856) ərəfəsindəki hadisələri əks etdirir. Müəllifə uğuru əsərin hökumət əleyhinə yazılması gətirib və bu səbəbdən yazıçı 38 ay müddətinə Kiprdəki Maqoz qalasında azadlıqdan məhrum edilib. Zindanda olarkən Namik Kamal "Zavallı uşaq" (1873), "Akif bey" (1874), "Gülnihal" (1875) əsərlərini yazmışdır. "Cəlaləddin, Xarəzm şahı" (1885) dramı monqol işğalına qarşı mübarizəyə həsr olunmuşdur.

Namiq Kamal
türk. Namık Kemal
Doğum tarixi	21 dekabr 1840(1840-12-21)
Doğum yeri	Təkirdağ, Osmanlı imperiyası
Vəfat tarixi	2 dekabr 1888(1888-12-02)[…] (47 yaşında)
Vəfat yeri	Xios, Cəzayir-i bəhr-i səfid vilayəti, Osmanlı imperiyası
Fəaliyyəti	şair, jurnalist, yazıçı, siyasətçi, tarixçi, nasir, dramaturq, tərcüməçi
Əsərlərinin dili	Osmanlı türkcəsi
Tanınmış əsərləri	Vətən
Namiq Kamal Vikimənbədə
Vikianbarda əlaqəli mediafayllar