Selena Mari Qomez (ing. Selena Marie Gomez; 22 iyul 1992[…], Qrand-Preri[d], Texas, ABŞ) — amerikalı müğənni, aktrisa, prodüser və iş qadını. Karyerasına uşaq y

Selena Qomez
Selena Qomez
Ümumi məlumatlar
Doğum adı	Selena Marie Gomez
Doğum tarixi	22 iyul 1992[…] (33 yaş)
Doğum yeri	Qrand-Preri[d], Texas, ABŞ;
Həyat yoldaşı	Benni Blanko[d] (2025);
Partnyoru	Benni Blanko[d] (2023–2025);
Musiqiçi məlumatları
Fəaliyyəti	müğənni, müğənni-bəstəkar, musiqi prodüseri, aktrisa, səsləndirmə aktrisası[d], model[d], dəb dizayneri, kinematoqraf[d], biznes ledi, uşaq aktrisa[d]
Fəaliyyət illəri	2002-ci ildən
Janrlar	pop musiqisi, dans-pop, elektropop[d], pop-rok, müasir R&B[d], alternativ R&B[d]
Musiqi alətləri	zərb alətləri, zərb qurğusu[d], baraban
Albom şirkətləri	Hollywood Records, Interscope Records
Mükafatları	;
	selenagomez.com
	Vikianbarda əlaqəli mediafayllar

Selena Mari Qomez (ing. Selena Marie Gomez; 22 iyul 1992^[…], Qrand-Preri^[d], Texas, ABŞ) — amerikalı müğənni, aktrisa, prodüser və iş qadını. Karyerasına uşaq yaşlarında aktrisalıq edərək başlayıb, 2002–2004-cü illərdə "Barni və dostları" teleserialında rol alıb. Selena 2007–2012-ci illərdə Disney Channel-in istehsalı olan "Veyverli Pleysli sehrbazlar" sitkomunda baş rola çəkilib və bu serialdakı Aleks Russo obrazına görə yeniyetmələr arasında məşhurluq qazanıb. Selena 2008-ci ildə Hollywood Records ilə müqaviləyə imza atıb və Selena Gomez & the Scene adlı musiqi qrupunu formalaşdırıb. Selenanın ön planda olduğu bu pop-rok qrupu 2012-ci ildə dağılmazdan əvvəl üç ədəd studiya albomu çıxarmışdı. Bu qrupun ən populyar mahnısı "Love You like a Love Song" idi.

Selena Qomez müğənni kimi solo karyerasına 2013-cü ildə "Stars Dance" adlı debüt albomunu buraxaraq başlamışdır. Bu, onun Billboard 200 musiqi cərgəsinin birinci pilləsinə yüksələn ilk albomu olmuşdur. Albomun xeyli sayda ölkədə hit olan sinqlları "Come & Get It" və "Slow Down" idi.

Həyatı

Selena Qomez əslən meksikalı və italyan mənşəlidir. Onun ata tərəfdən babası 1970-ci illərdə Meksikanın Monterrey şəhərindən ABŞ-nin Texas ştatına köçüb. Ona 1995-ci ildə 23 yaşında olarkən qətlə yetirilən müğənni Selenanın adı qoyulub.

Şəxsi həyatı

Selena Qomez Los-Anceles qraflığındakı Kalabasas şəhərində yerləşən 6.6 milyon dollarlıq malikanədə yaşayır. 2008-ci ildə Nik Conas ilə romantik münasibət qurub. 2010–2018-ci illərdə kanadalı müğənni Castin Biber ilə ara-sıra sevgili olub. 2015-ci ildə rusiyalı-alman dicey Zedd ilə münasibət qurub və sonrakı il ayrılıb. 2017-ci ildə The Weeknd ilə birlikdə olub. 2023-cü ilin dekabrında musiqi prodüseri Benni Blanko ilə romantik münasibətdə olduğunu bildirib.

Diskoqrafiya

Selena Gomez & the Scene albomları

Kiss & Tell (2009)
A Year Without Rain (2010)
When the Sun Goes Down (2011)

Solo albomları

Stars Dance (2013)
Revival (2015)
Rare (2020)

Filmoqrafiya

Spy Kids 3-D: Game Over (2003)
Horton kimi eşidir? (2010)
Monte-Karlo (2011)
The Muppets (2011)
Spring Breakers (2012)
Transilvaniya hoteli (2012)
Qayğının əsasları (2016)
Neighbors 2: Sorority Rising (2016)