Qırımçaqlar qırımçaq dilində danışırlar. Bu dil Krımtatar dilinə yaxındır və türk dilinin qıpçaq alt qrupuna daxildir. Lakin müasir danışıq dillərində və yazıla

Qırımçaqlar — əsasən Ukraynanın Krım ərazisində yaşayan türk xalqı.

Qırımçaqlar
qırımç. Крымчахлар

Ümumi sayı
1 800
Yaşadığı ərazilər
Ukrayna 406 (2001) Rusiya 90 (2010)
Dili
Qırımçaq dili
Daxildir
Türk xalqları

Qırımçaqlar qırımçaq dilində danışırlar. Bu dil Krımtatar dilinə yaxındır və türk dilinin qıpçaq alt qrupuna daxildir. Lakin müasir danışıq dillərində və yazılarında çoxlu oğuz elementlərdən istifadə olunur. XIX əsrin sonlarına qədər qırımçaqlar öz dillərini çaqatay adlandırırdılar.

Qırımçaqların bir çoxu özlərini yəhudilərin başqa etnodil qrupuna daxil olduğunu hesab edir və hazırda İsraildə yaşayırlar.

1920-ci ilin əvvəllərində görkəmli türkoloq akademik A.N.Samoyloviç qırımçaqlar haqqında araşdırma apararaq, onların xəzər mədəniyyətinin daşıyıcıları olduğu haqqında fikir irəli sürdü. Qan qruplarını tədqiq edən V.Zabolot isə bu nəticəyə gəlir ki, qırımçaqlar semit xalqlarına aid deyillər. Rusiya sənədlərində qırımçaqlar 1917-ci ilə qədər yəhudi-krımçaqlar kimi gedir.

Qırımçaqların ümumi sayı 1500 nəfər civarındadır. Bunlardan 204 nəfəri Krımda, 157 nəfəri Rusiyada yaşayır. ABŞ və İsraildə yaşayan qırımçaqların dəqiq sayı bilinmir. 1950-ci ilin əvvəllərində İsraildə 1000 nəfərə yaxın qırımçaq yaşayırdı və bunların bir çoxu başqa yəhudi qrupları ilə qaynayıb-qarışıblar.