Penelopa Kruz Sançes (isp. Penélope Cruz Sánchez; 28 aprel 1974[…]) — İspaniya aktrisası və model. İlk televiziya debütünü 16 yaşında ikən edib.

Penelopa Kruz Sançes 1974-cü il 28 apreldə İspaniyanın paytaxtı Madrid şəhərinin San Sebastyan de Los Reyes adlanan şəhərciyində anadan olub. O, saç ustası Ençarna Sançes ve avtomobil mexaniki Eduardo Kruzun qızıdır. Hələ kiçik yaşlarından Penelopa çox enerjili uşaq idi və öz enerjisini hara sərf edəcəyini bilmirdi. Bir vaxtlar anası gözəllik salonu işlədəndə balaca Pe (yaxınları onu bele çağırırdı) həmişə salona gələn xanımlara diqqətlə tamaşa edirdi. Bu onun üçün özünəməxsus "aktyorluq" məktəbi idi. Uşaqlıqda heç kim ondakı aktrisalıq bacarığını görməsə də, hamı bu kiçik qızın hərəkətlərinin plastikasına diqqət yetirirdi.

4 yaşında valideynləri Penelopanı balet sinfine yazdırır. Tezliklə Pe rəqs və cazla dərinden maraqlanmağa başlayır. İspaniya Milli Konservatoriyasında 9 il klassik alətle məşğul olandan sonra Peneopa rəqs mədəniyyətinə yiyələnmək üçü 4 ilə yaxın Kristina Rotadan dərs alır. Amma vaxt keçdikcə aktyorluq ön pana keçir və onun rəqsə olan marağı soyuyur.

14 yaşından Penelopa filmlərdə çəkilməyə başlayır. O bir sıra şou və musiqi kliplərinə də çəkilir.

1. Vanilli səma (2001) / Vanilla Sky
2. Getmə (2004) / Non ti Muovere
3. Qayıdış (2006) / Volver
4. Viki Kristina Barselona (2008) / Vicky Cristina Barcelona
5. Açılmış qucaqlar (2009) / Los abrazos rotos
6. Böyük şəhərdə seks 2 (2010) / Sex and the City 2
7. Sərnişin məşuqlar (2013) / Los amantes pasajeros