Nilotlar orta və yuxarı Nilin hövzəsində yaşayan qohum xalqların (dinkalar, kalencinlər, luolar, şilluklar, nuerlər, barilər, masailər, samburular, datoqlar, ka

Nilotlar orta və yuxarı Nilin hövzəsində yaşayan qohum xalqların (dinkalar, kalencinlər, luolar, şilluklar, nuerlər, barilər, masailər, samburular, datoqlar, karomoconqlar və s.) qrupu. Onlar həm də Cənubi Sudanda Mavi Nil və Sobat çayları üzrə, Keniya və Uqandada Viktoriya və Rudolf gölləri arasındaki ərazidə, Tanzaniyada, həmçinin Konqo Demokratik Respublikasının, Efiopiyanın və Misirin sərhəd rayonlarında yaşayırlar.

Ümumi sayı 10 million nəfərə yaxındır. Qabarıq Neqroid irqinə aiddilər. Atletik bədən quruluşu, uca boy və uzanmış başları ilə seçilir.

Nillotlar Nil-Saxara dilləri qrupuna aid olan dillərdə danışırlar və maddi və mənəvi mədəniyyətinin bir çox oxşar cəhətləri var.

Nillotlara bəzən dağlı nubiyalaları və nubiyalaları aid edirlər. Nillotların əksəriyyəti yerli ənənəvi din və inancları qoruyub saxlıyırlar, bir qismi isə islamı qəbul ediblər (məsələn luolar). Xalqın bir hissəsi xristian missionerlərin fəaliyyəti nəticəsində, xristianlığı qəbul ediblər.

XX əsrə qədər bu millət qul alverçilərin üzündən çox əzab çəkirdilər.

Nilotların arasında hələ ibtidai icma quruluşunun qalıqlarını xeyli sayda qoruyub saxlayanlar var. Əsasən balıqçılıq, ovçuluq, əkinçilik, iribuynuzlu mal-qaranın yetişdirilməsi ilə məşğul olurlar.