Myanma (birm. မြန်မာနိုင်ငံ) və ya rəsmi adı ilə Myanma İttifaqı Respublikası (birm. ပြည်ထောင်စုသမ္မတမြန်မာနိုင်ငံတော်) (1989-cu ilədək Birma İttifaqı, 1989–201

Myanma İttifaqı Respublikası
Myanma İttifaqı Respublikası
	ပြည်ထောင်စု သမ္မတ မြန်မာနိုင်ငံတော်‌
Bayraq	Gerb[d]
	Let the journey begin, Gadewch i'r daith ddechrau
	Himn: "Kaba Ma Kyei"; (azərb. "Dünyanın sonuna qədər"‎);
Tarixi
• Müstəqilliyin elanı	4 yanvar 1948
Rəsmi dili	Birman
Etnik qrupları	68% Bamar,9% Şan,7% Karen,4% Rakhine,3% Çinli,2% Hindistanlı,2% Mon,5% digər
Dini	Therevada, Buddizm,İslam
Paytaxt	Naypyida
Ən böyük şəhəri	Yanqon, Mandalay, Molamyayn
İdarəetmə forması	Parlamentli respublika
Prezident	Min Aung Hlaing
Baş Nazir	Nyo Saw
Sahəsi	Dünyada 39-cu
• Ümumi	676,578 km² km²
• Su sahəsi (%)	3,06
Əhalisi
• Əhali (2017)	53,282,000 nəfər (24-cü)
• Sıxlıq	73,9 nəf./km²
Valyuta	Myanma kyantı
İnternet domeni	.mm
ISO kodu	MM
Telefon kodu	95
Saat qurşaqları	+6:30
Nəqliyyatın yönü	sağ
	Vikianbarda əlaqəli mediafayllar

Myanma (birm. မြန်မာနိုင်ငံ) və ya rəsmi adı ilə Myanma İttifaqı Respublikası (birm. ပြည်ထောင်စုသမ္မတမြန်မာနိုင်ငံတော်) (1989-cu ilədək Birma İttifaqı, 1989–2010-cu illərdə Myanma Birliyi) — Cənub-şərqi Asiyanın şimal-qərbində dövlət. Myanma Hind-Çin yarımadasında ərazisinə görə ən böyük ölkədir. Şimal-qərbdə Hindistan və Banqladeş, şimal-şərqdə Çin, şərq və cənub-şərqdə Laos və Tailand, cənub və cənub-qərbdə Andaman dənizi və Benqal körfəzi ilə əhatə olunmuşdur. Paytaxtı Naypyida, ən böyük şəhəri Yanqondur.

Myanma

"Myanma" sözü tərcümədə "cəld", "güclü" mənalarını verir və zümrüd mənasını verən "mya" sözündən götürülmüşdür. Myanmada insan və coğrafi məkan adlarının seçilməsinə ənənəvi olaraq Myanmalı astroloqların böyük təsiri olur. Ölkə əhalisinin böyük əksəriyyətini təşkil edən Birmalılar tərəfindən öz seçdikləri ad "Bama" istifadə olunur. 1989 cu ilədək ölkə rəsmi olaraq Birma Birliyi Sosialistik Respublikası və ya qısaca olaraq — Birma adlanırdı. Amma "Birma" adı alınma mənşəli olduğu üçün ölkə daxilində populyar deyil.

2010-cu ilin Oktyabr ayında ölkənin adı "Myanma İttifaqı"ndan "Myanma İttifaqı Respublikası"na dəyişdi. Həmçinin ölkənin gerbi və bayrağı da dəyişdirildi.

Myanmanın paytaxtı — Naypyida şəhəri(Mandalay inzibati dairəsi) Pyinmana şəhərinin yaxınlığındakı kiçik bir kəndin yerində yaradılmışdır.

Paytaxtın Yanqondan Naypyidaya köçürülməsi məsələsinə 2001-ci ildən baxılmışdır. Paytaxın köçürülməsinin dəqiq vaxtı — bazar günü, 6 Noyabr 2005 ci il, səhər saat 6:37 — astroloji proqnozlara uyğun olaraq seçilmişdir.

Coğrafiya

Coğrafi yerləşməsi

Myanma qərbdə Hindistan (1463 km) və Banqladeşlə(193 km),şimal-şərqdə Çinlə (2185 km) , şərqdə Laosla(235 km) və cənub-şərqdə Tailandla(1800 km) həmsərhəddir. Cənubdan və cənub-qərbdən onun sahillərini Benqal körfəzinin, Moutama körfəzinin(Martaban) həmçinin Andaman dənizinin suları yuyur. Daxil olan adalarla birlikdə ölkənin sahəsi 678 min km² təşkil edir. Sahil xəttinin uzunluğu isə 1930 km bərabərdir.

İqlimi

Əsasən subekvatorial və tropik iqlimə malikdir. 3 fəsil ayırd edilir:

nəmli — mayın sonundan oktyabrın sonunadək
soyuq — oktyabrın sonundan fevralın ortalarınadək
isti — fevralın ortalarından mayın sonunadək

Hidrologiyası

Əsas çaylar öz başlanğıclarını dağlardan götürür və Hind okeanı hövzəsinə aiddirlər. Maksimal çay səviyyəsi musson yağışları mövsümünə təsadüf edir. Bu dövrdə çaylarda su səviyyəsi artsa da digər dövrlərdə çaylar əsasən az sulu olur və quruyurlar. Myanmanın böyük çayları İravadi , Mekonq, Saluin, Sitaun və Çinduin çayları sayılırlar. Göllər olduqca azdır, onların ən böyüyü isə Şan dağlığındakı İnle gölüdür.

Tarix

Ölkənin ən qədim sakinləri, hind-buddist sivilizasiyasının təsir dairəsində olmuş monlar sayılırlar. Sonra Myanmaya Çin ərazisindən birmanlılar miqrasiya etmişdirlər. Beləliklə Myanma ərazisində mon və birman krallıqları əmələ gəlmişdir. XIII əsrdə onlar monqol hücumlarına məruz qaldılar. XVIII əsrdə isə Britaniya kolonizasiyası başladı.

İkinci Dünya müharibəsindən sonra (Myanmanın yapon işğalına məruz qaldığı illərdə) 1948 ci ildə Böyük Britaniya ilə tərtib edilmiş müqaviləyə əsasən ölkə müstəqillik əldə etdi. 1962 ci ildə 1988-ci ildəki çevrilişə qədər mövcud olmuş Birman İttifaqı Sosialistik respublikası yaradıldı.

1997-ci ildən 2011-ci ilədək Myanma, 1988 ci ildə hakimiyyətə gəlmiş "Qanuniliyin və qaydaların bərpası Milli şurası" nın yerini tutmuş "Sülh və inkişafın Milli şurası" adlanan hərbi rejim tərəfindən idarə edilmişdir. Milli şuranın başçısı "baş general" Tan Şve olmuşdur. Məhz bu hakimiyyət 1989 cu ildə ölkənin rəsmi adını "Birma"dan "Myanma"ya çevirmişdir.

Din

Birma əhalisinin 83 faizi buddistlərdir. Birmalıların əksəriyyəti, eyni zamanda şanlar, monlar, karenlərin çoxu, kaya, palaun, kaçinlərin bir hissəsi, çinlər və digərləri buddistdirlər. Buddizm özünün txeravad formasında geniş yayılıb. Maxayana forması isə ancaq şimali birmanın xalqlarının bir hissəsində, ölkədə yaşayan çinlilər arasında vardır.

Xristian dininə 5 faizdən çox insan ibadət edir. Xristianlığı əsasən birmanın əyalət rayonlarına gələn missionerlər yaymışdırlar. Çin, karen, kaya, kaçin kimi yerli xalqlar arasında da xristianlar var. Birma xristianlarının əkəsəriyyəti protestantlardır (1,2 mln. nəfər). Onların arasında əksəriyyəti baptistlər (950 min nəfər), anqilkanlar (130 min nəfər), metodistlər (39 min nəfər), yeddinci günün adventistləri (3 min nəfər), qurtuluş ordusunun tərəfdarlıra və s. vardır.

Katoliklər 301 min nəfərdirlər. Ölkə əhalisinin 4 faizi müsəlmanlardır(əsasən sünnülər). Əhalinin 3 faizi induistlərdir. Çox az sayda iudaistlər də vardır. Ənənəvi qəbilə inancları Birmanın bir sıra əyalət rayonlarında yaşayan xalqlar arasında hələ də qalmaqdadır. Onlar əhalinin 5 faizini təşkil edirlər.