Moonchild Sanelly (əsl adı: Sanalisive Tvişa; 20 noyabr 1987, Port-Elizabet, Şərqi Keyp vilayəti) — CAR-dan olan müğənni, rəqqas. Yazıb ifa etdiyi mahnılar özün

Moonchild Sanelly (əsl adı: Sanalisive Tvişa; 20 noyabr 1987, Port-Elizabet, Şərqi Keyp vilayəti) — CAR-dan olan müğənni, rəqqas. Yazıb ifa etdiyi mahnılar özünün yaratmış olduğu "Future ghetto funk" üslubundadır. Sanelly Xosa^[ing.] xalqındandır və mahnılarında tez-tez bu xalqın dilindən istifadə edir.

Moonchild Sanelly
Ümumi məlumatlar
Doğum tarixi	20 noyabr 1987(1987-11-20) (38 yaş)
Doğum yeri	Port-Elizabet, Şərqi Keyp vilayəti, CAR
Musiqiçi məlumatları
Fəaliyyəti	müğənni
Fəaliyyət illəri	2006-cı ildən
Janr	elektronik musiqi
Vikianbarda əlaqəli mediafayllar

Moonchild Sanelly musiqiçi ailəsində anadan olmuşdur. Anası caz ifaçısı, qardaşı hip-hop prodüseri, xalası uşaqları isə rəqqasdır. 2005-ci ildə o, dəb üzrə təhsil almaq üçün Durban şəhərinə köçüb. Orada 6 il yaşayıb, təhsildən əlavə musiqi ilə də məşğul olub. Sonralar musiqi karyerasını davam etdirmək üçün Yohannesburqa köçüb.

O, Texasın Ostin şəhərindəki SXSW və Barselonadakı Primavera Sound festivallarında canlı çıxışlar etmişdir. Bədənini nümayiş etdirməkdən və seks haqqında danışmaqdan çəkinmir. Moonchild Sanelly həmçinin CAR-da formalaşan hip-hop qrupu Die Antwoord ilə Avropa turuna çıxıb. 2020-ci ildə virtual qrup Gorillaz ilə əməkdaşlıq edib. Onun Deymon Albarn ilə ifa etdiyi "With Love To An Ex" mahnısı Gorillaz-ın "Song Machine, Season One: Strange Timez" albomunun delüks versiyasında yer alır.