Mişel Lavon Robinson Obama (ing. Michelle LaVaughn Robinson Obama; 17 yanvar 1964[…], Çikaqo, İllinoys) — ABŞ vəkil və yazarı. ABŞ-nin birinci xanımı (2009–2017

Mişel Obama
Mişel Obama
	ing. Michelle Obama
ABŞ-nin birinci xanımı
	20 yanvar 2009 – 20 yanvar 2017
Əvvəlki	Lora Buş
Sonrakı	Melanya Tramp
Şəxsi məlumatlar
Doğum adı	Michelle LaVaughn Robinson
Doğum tarixi	17 yanvar 1964[…] (62 yaş)
Doğum yeri	Çikaqo, İllinoys;
Partiya	ABŞ Demokratlar Partiyası;
Təhsili	Prinston Universiteti (–1985),; Harvard Hüquq Məktəbi (1985–1988);
Fəaliyyəti	vəkil, yazıçı, siyasətçi, podkaster, hüquqşünas, sosioloq
Həyat yoldaşı	Barack Obama (1992)[…];
Dini	metodizm
Təltifləri
	obama.org
	Vikianbarda əlaqəli mediafayllar

Mişel Lavon Robinson Obama (ing. Michelle LaVaughn Robinson Obama; 17 yanvar 1964^[…], Çikaqo, İllinoys) — ABŞ vəkil və yazarı. ABŞ-nin birinci xanımı (2009–2017), 44-cü ABŞ prezidenti Barak Obamanın həyat yoldaşı.

Dolfus Şildsin nəvəsi, rəssam Pernell Şilds (Mişel Obamanın ulu babası) 1950-ci ildə Çikaqoya köçüb. 1964-cü il yanvarın 17-də isə Çikaqoda ABŞ-nin gələcək birinci ledisi doğulub.

Həyatı

Prinston Universitetini (sosiologiya bakalavrı), Harvard Hüquq Məktəbini (hüquq doktoru) bitirib.

İlk iş yeri "Sidli Ostin" hüquq firmasında olan Mişel marketinq və intellektual mülkiyyət qanunvericiliyi sahəsində ixtisaslaşıb. Çikaqo merinin köməkçisi, daha sonra meriyanın planlaşdırma və inkişaf üzrə komissar müavini vəzifələrini tutub. Çikaqo Universitetində dekan köməkçisi, həmin universitetin nəzdində Akademik Tibb Mərkəzinə icraçı direktoru, vitse-prezidenti olub.

Barak Obama ilə 1992-ci ildə ailə həyatı quran Mişel iki qız anasıdır. Malia 1999-cu, Saşa 2001-ci ildə dünyaya gəlib.

ABŞ prezidentinin xanımı Mişel Obamanı "Forbes" jurnalı 2010-cu ildə dünyanın ən nüfuzlu qadını elan edib.

Əcdadları

Mişel Obamanın qohumu Cənubi Karolinadan olan mülkədarın vəsiyyətnaməsində "zənci qızı Melvina" kimi göstərilib. Mülkədarın ölümündən sonra Melvina Corciya ştatına aparılıb və 15 yaşı olarkən 40 yaşlı ağ kişidən oğlu doğulub.

Dolfus Şilds adlandırılan bu uşaq Mişel Obamanın ulu babası olub. 1870-ci ildə aparılan qeydiyyatda Dolfus Şilds və Melvinanın daha 3 uşağı "mulat" kimi qeyd ediliblər. Şilds quldarlıq ləğv ediləndən sonra Alabama ştatına köçüb və uğurlu dülgər olub. 1900-cü ildə onun öz evi olub, 11 il sonra isə şirkət yaradıb. Dolfus Şilds 1950-ci ildə vəfat edib. Onun anası Melvina Şilds isə 1938-ci ildə ölüb.