Miyau — pişik səsi. Miyaulamalar səs baxımından müxtəlif tonlara malik ola bilər və eşidilənlər gürültüdən çağırışlara, pıçıldamalara və mırıltılara qədər dəyiş

Miyau — pişik səsi. Miyaulamalar səs baxımından müxtəlif tonlara malik ola bilər və eşidilənlər gürültüdən çağırışlara, pıçıldamalara və mırıltılara qədər dəyişə bilər. Yetkin pişiklər nadir hallarda bir-birinə miyaulayırlar. Yetişkin bir pişiyin insanlara miyau etməsi ümumiyyətlə pişik balalarının diqqət çəkmə məqsədilə miyaulamasının evcilləşmə sonrasının davamı kimi qəbul olunur. Pişiklər adətən bir-biriləri ilə ortaq qoxu hissi vasitəsilə ünsiyyət qururlar, amma insanlar ilə davranışları haqqında bəzən sözlərlə xəbərdarlıq edirlər, məsələn, çölə çıxmaq istədiklərini göstərən xüsusi bir səs çıxarırlar.

Miyau!

Media kömək

"Miu" pişik balaları tərəfindən çıxarılan yüksək tonlu miyauldamadır. Adətən pişik balaları anasının diqqətini çəkmək üçün belə səs çıxarır və yetkin pişiklər də bu səsi çıxara bilər. Təxminən üç-dörd həftəlik pişiklər yanlarında ən azı bir dostu olduqda miyauldamırlar və dörd-beş aylıq olanda pişiklər ümumiyyətlə miyauldamağı dayandırırlar.

Arxa plan və bioloji tərəflər

Pişiyin miyauldaması qətiyyətli, kədərli, dostcanlı, cəsur, səmimi, diqqətçəkən, tələbkar və şikayətkar şəkildə ola bilər. Bu hətta səssiz də baş verə bilər, pişik ağzını açar, amma səs çıxarmaz. İnsanlar xoşbəxt olduqlarında necə uzun-uzadı danışa bilirlərsə, pişiklər də bunu edə bilirlər. "The Purrington Post^[ing.]" nəşrinə görə çox səs çıxaran pişik eyni zamanda həm də xoşbəxtdir.

Miyauldama əsasən öyrənilmiş bir davranış kimi inkişaf edir. Əvvəllər küçə pişiyi olmuş pişiklər bütün həyatı boyu insanlarla qarşılıqlı əlaqəyə öyrəşmiş pişiklərə nisbətən daha az miyauldayırlar. Xüsusilə insanlara bağlı pişiklər qarşılıqlı emosional əlaqə zamanı təqlid edən və düşüncəli şəkildə miyauldayırlar.

Etimologiya

Amerika ingiliscəsində "meow" sözü ilk dəfə 1842-ci ildə istifadə edilmişdir. Bundan əvvəl söz "miaow", "miau" və ya "meaw" kimi istifadə olunmuşdur. Hər hansı bir variantdan erkən müasir ingiliscədə pişiyin miyauldamasının yazılı qeydinə ən erkən 1630-cu illərdə rast gəlinmişdir.