London zooparkı (ing. London Zoo) — İngiltərənin paytaxtı London şəhərində yerləşən zooloji park. Dünyanın ilk və ən qədim zooparkı hesab olunur.

London zooparkı 27 aprel 1828-ci ildə açılmışdır. İlk açıldığında bura gətirilən növlərin elmi təcrübələrdə istifadə olunması planlaşdırılmışdı. Amma 1847-ci ildə xalqa açılmışdır. Hazırda 806 növdə olan 19.178 heyvanla Böyük Britaniyanın ən böyük zooparkıdır. London Zooloji Parkı 1980-ci illərdə maddi sıxıntı keçirməyə başlamışdır. 1991-ci ildə parkın bağlanması xəbəri yayılmışdır. Amma London Zooparkı vombat, Tasmaniya şeytanı kimi növlərin saxlandığı yeğanə zoopark idi. Bu səbəbdən ziyarətçilərin verdiyi dəstəklə qurum bağlanma təhlükəsindən yan keçmişdir. Zooparkda qorillalar Afrika quşları, kəpənəklər, balıqlar üçün ayrı-ayrı bölümlər açılmışdır. 1826-cı ildə qurulan London Zooloji Qurumu tərəfindən idarə olunur. Regent parkının şimalındadır. Qurum fil və kərgədan kimi heyvanların da saxlandığı Bedfordşirdəki Uipsneyd Zooloji Parkına sahibdir.

Zooloji parkda ilk sürünən evi 1849-cu ildə, ilk akvarium 1853-cü ildə, ilk böcək evi 1881-ci ildə açılmışdır.

Zooloji parka 274 nömrəli marşrut xidmət verir.

Sinif	Növ sayı	Heyvan sayı
Məməlilər	70	580
Quşlar	119	613
Sürünənlər	81	296
Suda-quruda yaşayanlar	25	587
Balıqlar	281	6091
Onurğasızlar	230	11021
Cəmi	806	19178