Kərimli (əvvəlki adı: Vardanlı) — Azərbaycan Respublikasının Oğuz rayonunun Kərimli kənd inzibati ərazi dairəsində kənd. Azərbaycan Respublikası Ali Sovetinin 7

Kərimli
Kərimli
	40°58′31″ şm. e. 47°28′21″ ş. u.HGYO
Ölkə	Azərbaycan;
Tarixi və coğrafiyası
Saat qurşağı	UTC+04:00;
Əhalisi
Əhalisi	3.473 nəf.;
Rəqəmsal identifikatorlar
Poçt indeksi	AZ4819
	Xəritəni göstər/gizlə Kərimli

Kərimli (əvvəlki adı: Vardanlı) — Azərbaycan Respublikasının Oğuz rayonunun Kərimli kənd inzibati ərazi dairəsində kənd. Azərbaycan Respublikası Ali Sovetinin 7 fevral 1991-ci il tarixli, 54-XII saylı Qərarı ilə Vartaşen rayonunun Vardanlı kəndi Kərimli kəndi və müvafiq olaraq Vardanlı kənd Soveti Kərimli kənd Soveti adlandırılmışdır.

Toponimikası

Kəndin əvvəlki adı Vardanlı olmuşdur. Kənd şair Mücrim Kərim Vardaninin şərəfinə 1991-ci ildən Kərimli kimi rəsmiləşdirilmişdir. Yaşayış məntəqəsi Şahsevənlərin kərimli tirəsinin məskunlaşması nəticəsində yaranmışdır və həmin tirənin adını daşıyır.

Tarixi

Tarixi abidələri

Kəndin ərazisində arxeoloji və memarlıq abidələrindən Qala yeri (V–VIII əsrlər), Türbə (XV əsr), Kurqanlar (Tunc dövrü) mövcuddur. Bu abidələr Azərbaycan Respublikası Nazirlər Kabinetinin təsdiqlədiyi ölkə və yerli əhəmiyyətli abidələrin siyahısına daxil edilmişdir. Hazırda Kurqanlarda AMEA Arxeologiya və Etnoqrafiya İnstitutu tərəfindən qazıntı–tədqiqat işləri aparılır.

Coğrafiyası və iqlimi

Kənd rayon mərkəzindən 12 km. cənubda, Əlicançayın (Kürün qolu) sol sahilindən 4 km. aralı, Alazan–Əyriçay çökəkliyində yerləşir.

Əhalisi

Kərimli kəndinin əhalisi 3473 nəfərdir (1 yanvar 2017-ci il).

Tanınmış şəxsləri

Mücrim Kərim Vardani — Şair.

İqtisadiyyatı

Kənd əhalisinin əsas məşğuliyyətini əkinçilik, heyvandarlıq, bağçılıq və tərəvəzçilik təşkil edir. Kənddə sənətkarlıq da (dəmirçilik, bənnalıq, dülgərlik, xarratlıq, dərzilik və s.) inkişaf etmişdir. Burada ticarət, iaşə, məişət xidməti obyektləri, elektrik dəyirmanı fəaliyyət göstərir. Əhali təbii qazdan istifadə edir.

Mədəniyyəti

Kənddə klub, kitabxana, poçt və 512 nömrəlik elektron ATS var.

Təhsil

Kənddə uşaq bağçası və orta məktəb fəaliyyət göstərir.

Din

Kənddə Kərimli kənd məscidi dini icması fəaliyyət göstərir.

Səhiyyə

Kənddə həkim ambulatoriyası və aptek var.

Həmçinin bax

Kərimli kənd kurqanları