Zöhrab Əfrasiyab oğlu Adıgözəlzadə (3 iyul 1940, Bakı – 24 may 2012, Bakı) — Azərbaycan pianoçusu, Azərbaycan SSR xalq artisti (1982), professor.

Zöhrab Adıgözəlzadə
Zöhrab Adıgözəlzadə
Ümumi məlumatlar
Doğum tarixi	3 iyul 1940
Doğum yeri	Bakı, Azərbaycan SSR, SSRİ
Vəfat tarixi	24 may 2012 (71 yaşında)
Vəfat yeri	Bakı, Azərbaycan
Milliyyəti	Azərbaycanlı
Uşağı	Murad Adıgözəlzadə;
Musiqiçi məlumatları
Fəaliyyəti	pianoçu
Musiqi aləti	piano
Mükafatları

Zöhrab Əfrasiyab oğlu Adıgözəlzadə (3 iyul 1940, Bakı – 24 may 2012, Bakı) — Azərbaycan pianoçusu, Azərbaycan SSR xalq artisti (1982), professor.

Həyatı

Zöhrab Adıgözəlzadə 1940-cı il iyulun 3-də Bakı şəhərində anadan olub. 1962-ci ildə Azərbaycan Dövlət Konservatoriyasını bitirdikdən sonra orada müəllim, dosent, professor kimi fəaliyyət göstərib. O həm də konsert fəaliyyəti ilə məşğul olub, Azərbaycan, rus, Avropa bəstəkarlarının əsərlərini ifa edib. 1990-cı ildən ömrünün sonuna qədər Əskişəhər Anadolu Universitetinin Dövlət Konservatoriyasında kafedra müdiri vəzifəsində çalışıb.

Uzun sürən xəstəlikdən sonra 24 may 2012-ci ildə vəfat edib. Mayın 25-də Bakı Musiqi Akademiyasında onunla vida mərasimi keçirilib..

Ailəsi

Azərbaycan pianoçusu Murad Adıgözəlzadənin atasıdır.

Mükafatları

Milli musiqi mədəniyyəti sahəsindəki xidmətlərinə görə 1967-ci ildə Azərbaycanın əməkdar artisti, 1982-ci ildə isə xalq artisti fəxri adlarına layiq görülüb.

Azərbaycan SSR Ali Sovetinin Fəxri fərmanı — 24.02.1979